2019年12月26日星期四

【頭條獨家】忽然富貴豪擲千萬日本開睇波吧松岡李那望有錢男照顧 __,Linah,松岡李那,

【頭條獨家】忽然富貴豪擲千萬日本開睇波吧松岡李那望有錢男照顧

意態撩人的松岡李那係男人心目中嘅女神。

33歲日藉索模松岡李那（Linah）有hot爆完美body，一向都唔吝嗇大晒33C心型胸、蜜桃美臀、玉背和長腿，養眼程度爆燈。擺明戰鬥格的Linah唔只搵男友好進取，連吸金都有一手！雖然 Linah工作量唔太多，但竟然搵埋唔少，趁住2019終結前，她自爆分別開咗一間自家品牌首飾網店，又喺日本連環開咗兩間食肆晉身做老闆，尤以喺六本木嘅睇波酒吧最揼本，生意總投資保守估計過千萬港元。問她可擔心被質疑資產來源時？Linah就理直氣壯話：「係我慳慳埋埋嘅辛苦錢嚟㗎！」她甚至開宗明義坦承好愛錢，最恨搵個「有米男」。採訪：方騫平服裝：Snidel 場地：新蒲崗mikiki商場採訪：方騫平

松岡李那工作量唔多，但緋聞就真係有唔少喇，兩年前跟「太陽娛樂」老闆周焯華（洗米華）傳出緋聞後，Linah被指突然富貴，不時大晒周遊列國，出入靚車、坐富豪遊艇、甚至坐私人飛機，攬實枕頭影床照等，似足闊太過住上等人生活。消失一陣子的松岡最近在港蒲頭，當問到最近動向時，她就話啱啱喺內地拍完電影《地藏王》，又要去澳門洽談生意…來去匆匆！原來她喺2020年前成為跨界別藝人：「我同一位日本IT人合資搞咗間自家品牌飾物網店，親自設計一系列代表永恆嘅首飾，首次做埋設計好興奮，以前都試過吓做設計，但未被使用，不過唔會打擊到我信心，相信只係Timing唔啱。我唔會用自己個名做飾物系列，因為想真係搵到知音，唔係靠名氣。由於冇實體店，只係買材料，呢個投資唔多，都係10萬蚊港幣咁上下。稍後仲會做埋戒指款式，但一定拒絕接受男友將來送返自家出品嘅戒指畀我求婚，咁樣感覺好怪，好黐線。(會唔會物色大老闆入股擴充吓？)𠵱家唔使住，我要求所有生意伙伴都係日本人，要同聲同氣先溝通得嚟。」

否認突然富貴

除此之外，好有頭腦嘅Linah睇準迎接東京奧運商機，喺日本高檔地區六本木開咗間近千呎嘅酒吧畀球咪睇波：「呢間酒吧仲有兩個partner，我哋投資咗好多錢，但數目就唔講喇。另外，又同媽咪夾份喺廣島開意大利餐廳，餐廳現正裝修中，預計明年開業。(唔怕畀人話突然富貴呀？)我唔係好有錢，只係做想做嘅事。之前傳我炫富都唔係真，其實我只係鍾意去旅行啫。」

公開理財心得

Linah咁叻豬連環做老闆，她還公開分享理財心得：「好簡單，係don＇t use！最好係簽信用卡，因為睇帳單會一清二楚，可以提示自己有冇使大咗！我公司一年只係出一次糧，變相係幫手儲蓄，我喺香港，出入坐港鐵…而且受商界女強人媽咪感染，佢真係好現實，只愛cash，佢唔買名牌包包，而係買物業、買地皮，眼光好遠大…所以我都好恨錢，要現金！見到本紅簿仔啲錢愈嚟愈多會好開心同埋好有安全感，(有冇千萬蓄儲？)哈！會將來會有，我會加油。」問她係咪專攻有米男友？她直言：「有邊個唔鍾意rich boyfriend ？要男友比我有錢照顧到我，如窮過我，咪好似湊細路咁？我又唔係工人！但當然，搵個有錢、成熟嘅男朋友，大前提都係要有真愛嘅。」