【安心平安夜】大晒溫馨愛犬相 黃心穎聖誕出post望變童真小孩
「安心事件」後形象大插水的黃心穎高調返港一家團聚，今年仲過咗一個好安心嘅聖誕節添。原來一直宅在鯉魚門屋企的心穎，因為不便外出，她父母和家姐心美在冬至不惜做人肉速遞到她屋企做節。今個平安夜和聖誕，心穎依然留守屋企，家姐心美在社交網泄密到她屋企一家歡度佳節。
昨晚係平安夜，心穎過咗一個好安心及平安嘅平安夜，她在社交網上載坐在聖誕樹前和公仔合照，並以英文留言祝大家聖誕快樂及晚安，同時又表示：「We all become a child again at Christmas time.(大家喺聖誕節都會再次變成『孩子』)」唔通喻意係小孩子時常會出錯，叫大家畀次機會她重新做人？至於黃心美同時在社交網晒和媽媽一齊錫錫爸爸的三人合照，背景是心穎家，似是心穎舉機拍攝，心穎也在限時動態晒家姐愛犬的橙冷造型，笑言狗狗為何在聖誕扮南瓜。
另外，心穎舊愛馬國明在佳節則繼續約朋友歡聚，連走兩場，先約劇集拍檔胡鴻鈞晒紅當當合照派「心心」，再與劇中「弟妹」唐詩詠、黃嘉樂和林子善夫婦等過節。
來源 source: http://hd.stheadline.com
|
鍾意就快D Share啦！
|
|
|
