周永恒於12月10日因涉嫌公眾地方打架被捕，期間對警員又跪又拜長達三分多鐘。近日有相關影片流出，內容清楚可知他跪拜警員的原因有二：一，驚；二，尊重警察。
35歲的周永恒獲准保釋後，向傳媒指當時並非跪拜，而是「做瑜伽動作希望令警方冷靜」。不過，從周永恒跪拜警員時用自己電話錄製的影片可見，他清晰說出跪拜警察原因：「驚驚呀，所以要跪，驚！」
之後警員多次要求周永恒站起身來交代案情，又說：「唔習慣低頭同你(周永恒)講嘢。」周永恒表示：「我唔會起身，你唔習慣你嘅事，我尊重你係我自由。」
周永恒不單只怕得要跪，更因為怕而錄影，但警員一樣多次喝令他「熄電話」:「(熄電話！起身啦，熄電話。)熄咗我會驚呀，我開始交代案情喇。」
周永恒「熄咗電話會驚」很正常，畢竟最近幾個月，香港警察執法手段過份暴力，無機影住隨時「唔死一身潺」(其實有機影住都可以很暴力)。所以，當警員開始遮擋周永恒的拍攝時，周永恒越發緊張了：「阿Sir多謝你，我愛你呀阿Sir。佢哋可能開始會對我做任何嘢，我呢刻我唔會自殺，我係健康，多謝各位。我唔會主動去熄呢個錄影，可能佢哋會熄。」「你唔好遮住我開始俾人拉，大家聽住聲音呀……佢哋開始遮住鏡頭喇，救命呀！」最後錄影畫面應是被警員熄掉了。
好奇一問，警察近月進行拘捕時，不都是喜歡對方跪地嗎？有些甚至是以武力逼使對方趴下，為何現在又要周永恒起身才可交代案情了？
據周永恒的錄影片段，他與警察的對話內容大致如下：
警：(可唔可以停一停機？)
周：唔該晒，驚驚呀，所以要跪，驚！其實一直都有錄低㗎唔緊要，繼續錄。
警：(企返起身，呢度公眾地方。我畀第二次警告你，如果你再唔合作。企返起身冷靜交代案情。我會拉你酒後公眾地方行為不檢。)
周：我好合作阿Sir，我開始冷靜交代案情。
警：(麻煩你企返起身，熄咗你電話。)
周：你接唔接受我而家交代案情？
警：(熄電話！起身啦，熄電話！)
周：熄咗我會驚呀，我開始交代案情喇。
警：(我錄晒你唔使驚。)
周：錄晒就多謝，多謝。
警：(企返起身先好無呀？我唔習慣低頭同你講嘢。)
周：我唔會起身，你唔習慣你嘅事，我尊重你係我自由。
警：(唔係唔關我事，依家妨礙我調查……第三次警告，麻煩你聽我指示，同我合作，企返起身交代案情。)
周：阿Sir多謝你，我愛你呀阿Sir。佢哋開始可能會對我有任何嘢，我呢刻我唔會自殺，周永恒先生我呢刻唔會自殺，我係健康，多謝，多謝各位。我唔會主動去熄呢個錄影，可能佢哋會熄，但啱啱已經報咗相應number出嚟，多謝你哋。唔緊要，我哋要嘅係事實，你要我調查，我協助你哋，多謝你哋。我被人打呀阿Sir。
警：(停機停機！起身呀！)
周：你唔好遮住我開始俾人拉，大家聽住聲音呀……佢哋開始遮住鏡頭喇，救命呀！
【壹週刊直播平台 ChannelNEXT】
全城抗暴 區區論壇同你深度剖析
立即睇
-----------------------------
【升級壹會員登記站 為你解疑難！】
親臨旺角做升級壹會員，即送「香港人：抗爭之夏」限量明信片
詳情地址
|
鍾意就快D Share啦！
|
|
|