2020年1月9日星期四

【頭條獨家】63歲仲係好型　劉天蘭教授級試眼影 __,劉天蘭,

【頭條獨家】63歲仲係好型　劉天蘭教授級試眼影

劉天蘭早前獨自到中環買化妝品，其間試眼影試到好似想哄落個鼻度「聞」咁款！

有「香港時裝教母」之稱的劉天蘭（Tina），不單止出名穿搭有品味，年屆63的她對化妝亦好有研究，仲好鬼講究𠻹！早前，她獨自到中環SEPHORA買化妝品，其間於一個眼影專架駐足30分鐘，仲試色試到好似想哄落個鼻度「聞」咁款，非常仔細，最終使咗唔夠200蚊便掃走兩盒Eyeshadow。採訪：李維隆

剛於元旦踏入63歲的劉天蘭，廿歲獲選溫哥華華埠小姐冠軍，曾擔任Model、化妝師，又做過雜誌編輯、形象及服裝指導，故即使已經6字頭，但都仍然好潮、好識打扮、近年仲積極做運動養生，難怪睇落同35歲歌手女兒岑寧兒十足姊妹咁，Keep得勁好！

專注揀化妝品

早前又聖誕又除夕倒數，咁多Party要去，當然要Shopping採購一下至新妝品，將自己扮到有咁靚得咁靚日前，Tina到中環IFC的SEPHORA行街，一頭招牌短髮加粗框眼鏡的她，穿上米白色長褸襯藍衫、黑褲，在一群淑女中顯得分外型格！一入到舖頭，Tina目標都好明確，直接殺去SEPHORA專櫃，她先翹晒手勁專注地Scan個貨架，冇耐終於Target到Eyeshadow一欄，仲逐隻色捽埋上手試𠻹，之但係……做乜無啦啦係咁聞隻搽咗眼影嘅手呢？原來只係想擺近塊面再照鏡試真啲啫！

Tina果然係一個好精明的消費者，就算眼影只售70蚊都絕不馬虎，精挑細選15分鐘，以為畀完錢就走得啦，點知Tina心大心細又走番轉頭，再Loop一次剛才揀色的過程，結果擾攘多15分鐘，最終一共掃了2盒眼影，200蚊都唔使，抵到爛呀！