昨日女友莊思明坐飛機到曼谷出席好友婚禮，朋友安排她乘坐經濟客位和入住酒店，她於航班中途撳燈想向空中服務員借支筆填入境表，她聲稱多次按燈被空姐無視，之後她撳第3次，向後睥「原來有個空姐喺我後面熄咗我盞燈然係就擰轉面行開咗」。
她又稱了解到空中服務員工作忙碌，經濟客艙比較多人，感到體諒，不過當第4次撳燈，另一位空姐為她提供協助時，莊思明即叫空姐搵較高級的空中服務員反映意見，未幾有另一男空中服務員再向她了解詳情及致歉，男空中服務員稱已向經理提及此事，不停向她道歉，表明知道是哪一位同事，男空中服務員更問她想如何處理，莊思明當時口口聲聲說只想反映件事，希望這種事情不會發生在其他乘客身上，莊思明反映一次並不夠，之後再在IG出長文講整件事，又貼出航班編號及座位編號，希望國泰高層「積極處理」，又叫高層如果想了解更多詳情，歡迎跟她聯絡。
莊思明去到曼谷仍深深不忿，竟然以「不合法途徑」，由從事國泰的友人代為拿取此航的機艙服務員內部名單，上載在IG動態，再次公開「批鬥」那位空中服務員，把所有員工名字公開，網民質疑她此舉恐怕有洩露他人私隱之嫌。
有不少網民對她的行為感到譁然，投訴兩次都不夠，要一而再，再而三在網上咬着別人不放，她貼出crew list，每位服務員的名稱均未有打格，以寸爆口吻稱「國泰你哋自己處理」，疑行為過晒火位，難怪貼出3小時後已被網民洗版式鬧爆，有網民查該航班的座位表，「好想問莊小姐你坐43D，喺左邊第三道門前面，如何可以擰轉向後望到18行後，右邊嘅panel，有crew撳熄你個燈？係嘅話你都幾叻，對眼講緊望到18行位打後再轉埋個彎隔咗道牆嘅嘢」。
莊思明眼見網民圍插她拿取國泰內部crew list再公開放在IG，她解釋：「我問過律師，我並無犯法因為我沒有公開個人資料例如身份證、電話、住址等等！希望你明白。」有網民質問她：「咁張crew list點得嚟㗎?」莊思明轉口風：「我不會影響我朋友，有咩事我一個人負責，要怪就怪我一個人！多謝你嘅體諒！」
|
鍾意就快D Share啦！
|
|
|