林子善太太董佩欣（Kary）日前誕下6.292磅重的B女，子善初為人父即全面停工，陪太太坐月和照顧BB，認真是廿四孝老公和爸爸。
昨日子善一家三口現身東區醫院，《蘋果》讀者陳小姐透過「爆相爆片」，透露上午9時45分左右，子善抱住B女準備見兒科醫生，陳小姐說：「嗰度係睇黃疸，可能BB黃疸指數擲界，所以要返去覆診，睇吓使唔使照燈。」在醫院內，子善和Kary都戴上口罩，Kary剛剛生完BB，全身黑衫黑褲仍見到腹部微隆；而子善則用一雙麒麟臂，溫柔地抱住囡囡，定眼望到實，似乎擔心囡囡着涼，為她整理衫仔，表現緊張。
由於要等候兩至三小時，其間B女要飲奶，陳小姐說：「見佢太太去咗哺乳室餵人奶，BB都好乖唔係成日喊，聽到佢太太同姑娘講，話噚日掃唔到風，都要姑娘再教過。」陳小姐表示子善好細心，幫太太落街買早餐，又幫太太戴帽，怕太太入風冷親。
子善昨日接受傳媒訪問時，被問到BB黃疸指數有否超標？他以短訊回覆：「非常忙碌、非常享受，唔好意思，呢排未必即時回覆到訊息，傾住咁多先。」而Kary前日則在IG上載子善抱住囡囡的正面相，留言：「我倆個寶貝，第4日啦。」她又tag了老公說：「好在有你在身邊支持我，為咗小乖乖同你我要加油，正能量啲，一切會順利。」
| （讀者提供/ IG圖片） | | |
| | |
|
鍾意就快D Share啦！
|
|
|