2020年1月27日星期一

小豬比第一次食藥水　陳展鵬爆愛女唔舒服 __,小豬,小豬比,羅志祥,陳展鵬,

小豬比第一次食藥水　陳展鵬爆愛女唔舒服

陳展鵬爆愛女「小豬比」陳諾瑤唔舒服。

流感與武漢肺炎先後來襲，令不少父母都非常擔心，繼港姐張名雅昨晚於Instagram（Ig）自爆帶發燒囝囝蔡俊軒去睇醫生後，去年4月榮升爸爸的陳展鵬今日亦於Ig貼出B女「小豬比」陳諾瑤萌照，相中，面珠脹卜卜的小豬比拎住支藥水仔細望，估唔到大前日（年三十）先同媽咪單文柔一齊祝大家身體健康，點知今日佢就病咗喇！展鵬留言寫道：「相信佢對呢支藥水又愛又恨，第一次食咗（藥）水，妳算非常乖了。多謝伍醫生。」囡囡唔舒服，爹哋媽咪梗心痛，一班哥哥姐姐就留言祝她早日康復，仲叫展鵬和單文柔保重身子，勤勞洗手呀！