網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2020年1月27日 星期一

【幫彩豐行男友宣傳抗疫變箭靶】陳庭欣IG被洗版鬧 網民指晨早排隊幾粒鐘:一開門就話冇口罩賣 __,陳庭欣,

【幫彩豐行男友宣傳抗疫變箭靶】陳庭欣IG被洗版鬧網民指晨早排隊幾粒鐘:一開門就話冇口罩賣41分鐘前武漢肺炎在內地肆虐,被牽連嘅香港人近日撲口罩慘過撲米 ...




  • 【幫彩豐行男友宣傳抗疫變箭靶】陳庭欣IG被洗版鬧 網民指晨早排隊幾粒鐘:一開門就話冇口罩賣
  • 41分鐘前




武漢肺炎在內地肆虐,被牽連嘅香港人近日撲口罩慘過撲米,尋日陳庭欣為彩豐行老闆男友Benny,在IG大力宣揚男友率領員工,犧牲假期,日以繼夜加班,確保初三啟市當日將所有防疫消毒產品,包括口罩,順利運到旗下各大門市供市民購買,影住男友點貨同時,並留言:「明白近日由於肺炎疫情嚴峻,市面上有很多防疫產品已缺貨或以高價發售,《彩豐》作為香港嘅一份子,希望跟大家一起共渡難關。」

在口罩嚴重缺貨下,香港市民滿心歡喜「有救」,今早約六,七點,唔少市民已經喺彩豐行各門市排隊等買口罩,點知換來一肚火。唔少網友留言指有荃灣,屯門分店無口罩賣,令佢哋白排一趟,更苦了一班老人家一早門外捱冷風排隊白等!鬧爆又要威又要戴頭盔。

另外將軍澳新都城分店,清晨門外已排了數百人,等到11:30開門,口罩被指只賣出少量,職員就宣佈賣晒,眾多排了數小時隊嘅顧客即鼓譟,圍在彩豐行門口鬧爆。

而陳庭欣,原本為男友宣傳,點知變箭靶,IG被洗版留言,其中網民說:「荃灣未開門口罩已無貨,排了兩小時。」﹑「屯門蝴蝶村一盒都無,店員仲話呢間舖根本無補過貨,態度又差,白白排咗幾個鐘,後面仲有成二百個人好多仲係老人家,其實唔夠貨無人會話你,但你唔好扮有貨,搞到大家天寒地凍去白白排隊。」﹑「得50盒放出嚟賣,又要做網上宣傳!」﹑「沙田分店直情排咗兩個鐘先買得一包十個,一盒都無。」﹑「我宜家係荃灣彩豐行,排到開門你啲職員先話根本冇番過口罩,冇口罩賣,你點解釋!」,網民因此大罵:「呃人!」

數小時後,彩豐行在fb出文,承認今次安排不當:「基於大量需求,眾多的盒裝口罩及包裝口罩已全部火速售罄,十分抱歉……今次處理安排有不適當的地方,希望各位見諒。」安排好啲,唔好再令市民失望。

-----------------------------

【壹週刊直播平台 ChannelNEXT】

全城抗暴 區區論壇同你深度剖析

立即睇

-----------------------------

【升級壹會員登記站 為你解疑難!】

親臨旺角做升級壹會員,即送「香港人:抗爭之夏」限量明信片

詳情地址


鍾意就快D Share啦!