掃呢頁CODE去手機

2020年1月17日 星期五

彭于晏:彭于晏好恨有拖拍 最放唔低係呢段關係 __,彭于晏,

估唔到彭于晏咁長情!台灣男神彭于晏出名靚仔有型,係唔少人眼中嘅筍盤,正當大家以為佢有大把對象選擇時,佢喺內地清談節目《魯豫有約一日行》中自爆竟然單身五 ...




估唔到彭于晏咁長情!


台灣男神彭于晏出名靚仔有型,係唔少人眼中嘅筍盤,正當大家以為佢有大把對象選擇時,佢喺內地清談節目《魯豫有約一日行》中自爆竟然單身五年,心入面始終都係掛住初戀女友!


喺節目入面,彭于晏話因為工作太忙嘅關係,連識多個朋友都難,所以五年冇拍過拖,而講到佢最想搵番失去嘅嘢,佢就坦白話應該係初戀女友:「初戀都是最開心的嘛!再來就是一直在...『追求』這種感覺就沒有了,完全投入的愛情是最難忘的,要不然就是我沒有碰到。」


彭于晏跟住分享自己嘅初戀故事,原來佢細個係肥仔一名,讀書時暗戀班花,怕醜嘅佢一直唔敢告白,就係因為咁令到呢段暗戀無疾而終。去到16歲先至獻出初戀同初吻,佢回憶當時情況話會幫女友排隊買蛋糕,兩個人一齊去海邊睇星星好浪漫。最後佢話雖然未畀人催婚,但係拍拖呢件事係時候要努力,睇嚟彭于晏都好恨拍拖脫單!

來源 source: http://hk.on.cc
鍾意就快D Share啦!