掃呢頁CODE去手機

2020年1月12日 星期日

【唔要合拍片】黃子華自嘲儍佬賣樓拍《乜代》:唔想俾人控制我點拍 __,黃子華,

黃子華自導自演的賀歲檔電影《乜代宗師》即將上映,最近有網民發起罷睇「紅色」賀歲片,其中《乜代宗師》就被批為一星,即「有討論空間的製作」,原因是有人覺得 ...




黃子華自導自演的賀歲檔電影《乜代宗師》即將上映,最近有網民發起罷睇「紅色」賀歲片,其中《乜代宗師》就被批為一星,即「有討論空間的製作 」,原因是有人覺得黃子華的新戲在深圳取景,不是香港人電影。



黃子華今日在FB開live,就網民的指控回應,他說:「大家知我最近拍咗套戲,有人話黃子華收咗幾百萬片酬,剝削咗工作人員,以致有啲戲唔夠錢,要返大陸拍。」子華大吐當中苦水,透露原來自己沒有收片酬之餘,還要賣樓換取開戲資金,他有點激動說:「套戲係剝削所有人,每個人都俾我揼心口,唔該唔該,平啲平啲平啲,因為真係唔夠錢。我自己點呢?我自己係做編劇、導演、演員,但一毫子都冇收過,唔單止係一毫子都冇收過,真實情況係我賣咗層樓,嚟拍呢套戲嘅。」



子華澄清電影不是合拍片,他解釋:「大家都知咩叫合拍片啦,呢套唔係一部合拍片。我第一日拍呢套戲,心態就係想完全拍畀香港,一套香港嘅戲。子華說之所以不選擇以合拍片方式,因為4個字——自由自在,他說:「我想好自由自在拍呢套戲,無論題材或表達嘅手法,我唔想有人去過濾我點樣拍,有乜可以拍,有乜唔可以拍,我想自由自在,忠於我嗰個戲嘅概念去拍嗰部戲出嚟。所以唔係一套合拍片,真係香港人投資,香港人賣樓,拍畀香港人睇,我嘅心態係咁。」



賣樓開戲,子華說沒考慮過回本:「我冇信心,輸少當贏。我冇諗過賣咗層樓,可以幫到我買多一層樓,基本上以我現在呢個budget係冇可能可以返到本,甚至乎我賣咗呢層樓,佢有冇可能返番間房,或者一個水龍頭,唔緊要,但我可以自由自在拍呢套戲!好唔好睇,點知啫,但起碼我忠於自己。」



對於有人質疑電影返深圳開工,子華都有解釋:「香港情況係點大家都知,對上我拍嘅係《一蚊雞保鑣》,拍咗28日,當時已經有人話我奢侈,你嗰套我拍3部都得,自問冇咁嘅能力。我有問過啲監製,我賣樓可以拍幾多日?可以拍15日,但我套戲要拍50日,我現在好似起一層樓咁,我要起一個堅固嘅樓,要夠膽畀人住,畀人睇嘅樓。可能有導演好熟,好快拍完,但我冇咁能力。因為要取景,仲要廠房,都係錢嘅問題,如果要喺香港拍,可能我要賣埋我住緊嗰層,我媽住緊嗰層,但其實我阿媽嗰層係租嘅,所以其實都唔夠錢拍,我又想做到最好,只能夠行到呢一步。」



子華最後形容自己是儍佬:「全行都認為我係儍佬,賣樓去拍,99%冇得返本。面對咁嘅環境,我只想講返真實情況畀大家聽,睇唔睇,唔係好緊要,多謝大家。」





黃子華今天開facebook直播。(FB圖片) 黃子華今天開facebook直播。(FB圖片)
子華坦言是求台前幕後:「平啲,唔該!」(FB圖片)

子華坦言是求台前幕後:「平啲,唔該!」(FB圖片)
提到網民指他慳皮兼剝削《乜代宗師》台前幕後員工,子華表示全劇組都有份「被剝削」。(FB圖片)

提到網民指他慳皮兼剝削《乜代宗師》台前幕後員工,子華表示全劇組都有份「被剝削」。(FB圖片)
他更提到自己是賣樓來籌集拍片資金,沒想過有回報。(FB圖片)

他更提到自己是賣樓來籌集拍片資金,沒想過有回報。(FB圖片)
子華表示開直播只是為了澄清傳聞,更自認是個「儍佬」。(FB圖片)

子華表示開直播只是為了澄清傳聞,更自認是個「儍佬」。(FB圖片)

鍾意就快D Share啦!