2020年2月10日星期一

【頭條獨家】低調湊女少曝光 50歲江希文罕見師奶Look #江希文

【頭條獨家】低調湊女少曝光 50歲江希文罕見師奶Look

雖然戴咗口罩，但一眼就認到江希文。

2015年，江希文曝光率好高，因為當年佢同資深大律師胡漢清分手，女方聲稱被家暴，男方反稱被人用刀柄傷腰，兩人還因女兒的撫養權及生活費鬧上家事法庭。隔日互爆大鑊，反轉豬肚，精彩過電視劇。隔咗四年多，江希文靜晒，一年都無一次帶就嚟7歲嘅囡囡Natalie出席公開活動。日前下午，戴咗頭箍同口罩，着Legging嘅江希文去銅鑼灣一間藥房買BB用嘅洗頭水，買完就上咗附近一棟大廈，重點係已50歲嘅佢唔算太走樣，係下身有啲肥肉，算係咁咯。採訪：梁志明

江希文同胡漢清糾纏五年，12年兩人相識一個月即閃電訂婚，翌年江希文為胡漢清未婚生女，15年，兩人感情決裂，分手後更反面收場。當時江希文母女仍住在胡家沙宣道大宅，更為女兒的生活費和撫養權對簿公堂，有傳江希文要求每月20萬元生活費。17年，兩人又有恩怨，有報道指胡漢清到警署報案，聲稱舊愛江希文涉妨礙司法公正，由港島總區重案組負責調查，暫時未有人被捕，報道指事件疑涉及兩人分手後安排。後續如何？點搵都搵唔到。

買防敏感洗頭水

自始之後江希文變得低調，偶然出席公開活動，18年曾為《流行經典50年》擔任嘉賓，佢仲話成十年無上過舞台，係呀，佢歌手出身，1993年出第一隻碟，歌手嚟㗎。唔唱歌唔拍戲，但江希文都好忙，因為佢要湊女，囡囡Natalie話咁快就嚟7歲。當日就見到一身師奶Look的江希文戴哂口罩去藥房買小朋友用，唔會敏感嘅洗頭水，買完即走無睇過有無口罩賣，應該屋企收埋好多，買完就行去景隆街再上咗一棟大廈，找數其間見到江希文着住嘅Legging下有一雙肉腿，感覺都幾厚肉。