武漢肺炎肆虐全球，香港近日疫情持續蔓延，確診個案有26宗，全城四出撲防疫物資，口罩更是一罩難求，不少市民甚至長者要排隊捱通宵排隊買口罩，而基層人士及低收入家庭更難負擔炒價。政府未能為市民解決口罩短缺問題，香港人惟有自己救自己，民間就有不少自發性組織籌口罩幫助有需要人士。繼富商大劉劉鑾雄昨日捐出2萬口罩，幫助基層，賭王三房千金何超蓮所成立的慈善組織Smile with us，今日在IG出帖文，會捐口罩給清潔工人、劏房戶、醫院及長者助燃眉之急，而超蓮亦有轉帖文，指會有第二批口罩到港，表示會處理最迫切及接觸面最廣泛的團體，最後她更留言希望網民提供如何可以直接接觸到有需要人士：「告知我任何直接接觸清潔工人、長者、醫療隊伍或其餘急切需要口罩的團體聯絡方法，讓我們把口罩捐出去。」
超蓮今日回覆《蘋果》，她透露用了一個星期時間去印尼採購到口罩回港，她說：「我哋係搵朋友喺印尼訂，好難訂，而家最難係好多入唔到關，即係hold住咗先，所以嗰度有啲困難，我哋第一個batch係order咗8千，跟住嚟咗係6千，嚟緊第二batch好似係1萬，第三batch都係8千到，我哋一路都會陸陸續續，用唔同渠道搵啲口罩返嚟。」問到點解會優先派給長者、清潔工人、劏房戶及醫護人員等，她說：「知道佢哋好多唔捨得用口罩，而家口罩好貴，好多都會重用口罩，非常之唔好的一件事，希望可以優先幫到佢哋，今次擺喺呢個平台講，想畀人知道可以用咩渠道幫佢哋，因為暫時我哋搵到幾間社福機構同社工團體去派，今次就無involve義工，因為唔想太多接觸，希望想大家留喺屋企，唔好出去。」最後，超蓮表示希望捐口罩行動可以拋磚引玉，更加多人加入幫手盡快派口罩出去：「而家幾好，好多人同我哋講有咩resources，經我哋派出去，係一件好好嘅事，同埋呼籲有咩人知道有咩渠道，可以幫手派出去。」
-----------------------------
《果GYM》隨身播 健身壹App過！
一按即玩
---------------------------------
11大串流娛樂平台推介
65頁網上煲劇睇戲天書
點擊即睇
來源 source: http://hk.entertainment.appledaily.com
|
鍾意就快D Share啦！
|
|
|