2020年2月24日星期一

【頭條獨家】約友飲香檳短聚王賢誌跟同性伴侶神同步 #王賢誌

【頭條獨家】約友飲香檳短聚王賢誌跟同性伴侶神同步

一班人聚會，Vinci同Kevin傾傾吓偈齊齊托頭。

王賢誌(Vinci)跟同性伴侶Kevin結婚3年半，關係依然好好，經常一齊出席公開活動。日前周六晚，Vinci同Kevin約咗三個男性好友喺銅鑼灣百德新街飲香檳吹水，Vinci同另一半貼住坐，前者好多嘢講，後者負責聽，間中兩人會做埋同一動作，例如托頭，好夾。採訪:梁志明

2016年8月，Vinci跟相戀七年、任職咖啡師的男友Kevin在加拿大溫哥華註冊結婚，是首位公開承認與同性結婚的香港男藝人，獲不少圈中人讚賞敢愛敢做。兩人之後經常齊齊出席活動，會出席婚姻平權協會發布會，曾經係前東華三院主席的王賢誌獲「銅紫荊星章」，Kevin亦有陪伴出席。

Vinci都幾心思細密

當日晚上六時，Vinci一行五人去咗百德新街一間餐廳短聚，叫咗香檳同小食，眾人冇戴口罩邊食邊傾，食得唔多，但香檳就不斷飲，Vinci都幾多嘢講，Kevin就聽嘅多，無乜搭咀，其間Vinci曾經行出街講電話，眾人快聚一個鐘就離開，一踏出餐廳，眾人即戴回口罩，唔知係咪Kevin啲牙黐住咗嘢，見佢除口罩係咁用手指撩牙，防疫意識差咗啲喎。Vinci同一男友人行先，Kevin緊隨，行咗一陣，Vinci自覺冷落咗Kevin即放慢腳步等埋另一半，然後搭住佢膊頭繼續行。