何廣沛瞓身演出！
無綫藝人何廣沛與江嘉敏前晚在大坑拍攝新劇《食腦喪B》，劇情講述何廣沛被江嘉敏推落水後大難不死，以「水鬼」造型現身。
包保鮮紙打底
拍攝前，何廣沛被劇組人員用水兜頭淋，全身濕到滴水，拍畢即披上毛巾及飲薑茶保暖。江嘉敏笑拍檔玩濕身誘惑，提到新冠肺炎疫情未退，又要在寒冷天氣下拍濕身戲，何廣沛說：「冇辦法，作為演員慣咗冬天拍夏天戲，夏天拍冬天戲。而且劇組幫我包咗保鮮紙打底，又準備咗毛巾同薑茶。家姐畀咗個熱水壺我，唔夠熱水就叫佢再拎，因為佢住附近，之前都有嚟探班。」
密謀做埋替身
至於江嘉敏透露角色好打得，有不少動作場面，她興奮說：「拍之前我唔知要打，我跟陳曉華一齊學跆拳道學咗半年，依家大派用場，好開心！有次武指同我講要側踢再後踢，我完全明白佢講咩，最開心係一次過OK，冇NG，我遲啲可以做埋替身！」何廣沛笑言劇中演沒有痛感的喪屍，經常被江嘉敏打，要表現到木無表情，實則有苦自己知！
來源 source: http://hk.on.cc
|
鍾意就快D Share啦！
|
|
|