陳凱琳自揭曾患抑鬱爆喊：當時日日呃住媽咪好內疚
陳凱琳（Grace）在昨晚播出的節目《仨心友行》最後一集中，跟陳敏之、高海寧和楊明晚上在沙灘把酒談心時，問到大家最想回到過去哪一刻？Grace率先訴真情，一邊說一邊忍不住落淚：「喺我入大學第二年，因為有啲情緒問題，我有一類型抑鬱，因為呢樣嘢令到我好難Recover（康復），我特登揀咗喺爹哋媽咪好放心我同埋細佬喺加拿大相處，所以佢地返咗香港同我嫲嫲、婆婆一齊住。我揀嗰段時間隱瞞唔同佢哋講，直至媽媽咪返嚟加拿大，第一眼見到我，有啲好唔妥，佢先知原來我日日打電話畀佢話我冇事，話我好開心嘅時候，係呃佢。」
Grace話跟媽咪感情好好，所以當時日日呃媽咪時她很內疚，「依家我做咗媽咪，如果個仔第日咁對我，我真係…我唔會想佢有啲咩唔開心，或者去到個咁嚴重，去到一個病嘅時候，我先知道。」
高海寧也哽咽謂有過抑鬱，「我因為入咗行之後嘅負面新聞，因為我一直性都好開朗，而冄我一直都係好守規矩嘅人，其實我冇乜緋聞，但係唔知點解會寫我好多例如咩富商呀，我好唔開心，覺點解我咁畀心機，我咁努力，但你不停生安白做不實嘅報道畀我呢！」
來源 source: http://hd.stheadline.com
|
鍾意就快D Share啦！
|
|
|