網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2020年2月13日 星期四

黃心穎黐泥鯭行街斷正男方無奈稱與未婚妻分手 #黃心穎

【爆相爆片】黃心穎去年4月被《蘋果》踢爆「安心偷食」轟動全城,她隨後避走美國,12月終於返港。心穎近日似乎已經走出陰霾,不時在Ig貼相,前日更被讀者李 ...






【爆相爆片】黃心穎去年4月被《蘋果》踢爆「安心偷食」轟動全城,她隨後避走美國,12月終於返港。心穎近日似乎已經走出陰霾,不時在Ig貼相,前日更被讀者李小姐捕獲,與樂隊RubberBand鼓手泥鯭到寵物店濕平。泥鯭大前年曾宣佈向女友求婚成功,昨日被爆與心穎濕平後,他無奈回覆稱已經分手。

黃心穎與許志安爆出「安心偷食」後,許志安火速開記招流淚道歉,獲老婆鄭秀文原諒,兩夫婦日前雙雙去跑馬地中藥舖買金銀花,鄭秀文昨日更事業上高峯,再獲香港金像獎最佳女主角雙提名。而心穎自事件後避走美國潛水八個月,於去年12月終於返港,之後有傳她為復出試水溫,惟事業未有起色之際,她被踢爆偷會RubberBand鼓手泥鯭(原名黎萬宏)。

黃心穎與泥行寵物店,兩人被指有講有笑,雖然舉止並不親密,但感覺就像情侶行街,又指女方聲線好姣。讀者提供圖片


黃心穎曾在社交網貼出身穿同一件白色衞衣的照片。互聯網圖片


心穎Ig上與泥鯭僅有一張2016年的合照,「朋友」關係甚為低調。互聯網圖片


泥鯭全程推住手推車,心穎就專心睇寵物用品。讀者提供圖片


狂掃狗糧

《蘋果》讀者李小姐透過「爆相爆片」直擊,心穎在前日下午3時許,孖住泥鯭在海怡工廈行寵物店買寵物用品。李小姐說:「開頭認唔到黃心穎,只係認到泥鯭,兩個一路行一路睇寵物嘢,又傾買乜,因為有狗仔吠得好大聲,黃心穎喺度睇狗仔,我趁機行到好埋一齊睇,聽到佢講嘢,先認得佢係黃心穎。」從相片見到,心穎和泥鯭都戴上口罩,不過心穎身上的白色衞衣,曾在她社交網出現,她曾着過同一件衫去旅行。

李小姐指心穎和泥鯭睇狗糧,又睇飲水器:「泥鯭問店員『有冇處方糧』,店員話要喺醫生度買,兩個傾買乜,黃心穎把聲好姣,一路行一路有講有笑,泥鯭負責推車仔,睇佢哋買嘅嘢,似養咗隻新寵物咁,最後黃心穎負責埋單畀錢,離去時泥鯭就搬一箱大紙盒,黃心穎攞住兩袋,泥鯭幫佢搬咁多嘢,唔該都冇講一句,明顯係『好朋友』。」心穎昨在Ig貼出狗仔相,原來她新養了3隻唐狗仔。問到兩人有否避忌?李小姐表示:「黃心穎有周圍望人,但泥鯭就警惕低,店裏面客人唔夠十個。」李小姐指兩人舉動並不親密,但感覺像情侶行街,李小姐又表示:「我有朋友話泥鯭住將軍澳,見過泥鯭同女友放狗。」

泥鯭在2017年曾向當時女友求婚成功,昨日竟自爆目前單身,去年已經甩拖。資料圖片


泥鯭去年領養了一隻唐狗BB,不時帶牠出街放電。互聯網圖片


黃心穎近日領養了三隻唐狗BB,昨午也有在Ig貼相。互聯網圖片


已拍婚照

泥鯭在大前年向拍拖多年的圈外女友阿欣求婚成功,當時在社交網晒求婚戒指放閃,前年兩人在西貢影婚紗相,有指為翌年婚禮做準備,但泥鯭之後卻沒公佈婚期。《蘋果》致電向泥鯭了解,泥鯭卻驚爆已和女友分手,他以短訊回覆:「多謝關心,我目前係單身,之前的確係諗住結婚,但最終結唔成,上年已經分開了,只係我一向都prefer低調處理私人事,所以冇特別公佈,呢個時勢,希望大家關注疫情小心身體。」

心穎昨日以短訊回覆《蘋果》:「只是一個有養唐狗經驗的朋友陪我買寵物用品。沒有其他回應,多謝。」提到泥鯭的感情事,心穎則表示:「交番畀佢自己回應吧。多謝關心,大家健康緊要,其他也不太重要。」心穎和泥鯭的「朋友」關係好低調,在心穎的Ig中,記者只找到一張兩人於2016年的大合照,泥鯭在相中只佔據後面靠邊位置。

採訪: 皓騫


鍾意就快D Share啦!