網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2020年2月2日 星期日

英超Fever:利物浦捧英超 VVD下一站搵C朗 __,C朗,基斯坦奴朗拿度,

(GettyImages)利物浦取得英超16連勝,捧盃已經冇懸念,英國《太陽報》及《每日郵報》齊爆料,指紅軍中堅華基爾雲迪積克(VVD)協助球隊捧盃後 ...




(Getty Images)


利物浦取得英超16連勝,捧盃已經冇懸念,英國《太陽報》及《每日郵報》齊爆料,指紅軍中堅華基爾雲迪積克(VVD)協助球隊捧盃後,就會功成身退離隊,意甲豪門祖雲達斯已計劃斥資1.5億鎊(約15億港元)收購呢位荷蘭國腳,令佢成為史上最高身價後衞。


接近祖雲達斯嘅消息人士指,球隊近年曾2次喺歐聯決賽功虧一簣,已經24年未贏過呢項錦標,會方為一嘗冠軍滋味,不斷增兵,包括上季收購「歐聯之王」C朗,但仍然8強止步,所以下一步決定買入華基爾雲迪積克,令球隊攻守兼備。


據悉,祖記方面非常有信心說服VVD來投,因為只要佢協助利物浦首奪英超冠軍,就已經幫紅軍捧晒英超、歐聯、世冠盃等大賽錦標,應該有興趣接受新挑戰。


事實上,VVD自己亦講過想要有更多新嘗試:「人嘅生命同球員生涯都係短暫,我已經28歲,希望盡所有可能性,去實現每一個夢想,當然我依家好享受喺利物浦嘅日子。」


華基爾雲迪積克2015年由些路迪加盟修咸頓,至今已經喺英超搵食5年,加上為利物浦贏盡冠軍後,的確係跳出「舒適區」嘅好時機。


祖雲達斯除咗擁有C朗之外,仲有VVD嘅荷蘭國家隊防線拍檔馬菲斯迪歷特,兩人拍住上,應該好易適應。


對利物浦而言,1.5億鎊轉會費的確好吸引,因為紅軍2年前用7500萬鎊收購VVD,換言之可以大賺一倍,亦有巨額資金再買人,VVD亦可以超越曼聯中堅哈利馬古尼(8000萬鎊),成為史上最高身價後衞。


東網體育FB同你追實體壇每個精彩時刻!


Follow東網體育IG一齊撐本地運動員!

來源 source: http://hk.on.cc
鍾意就快D Share啦!