- 【教會童星做戲上咗癮】余香凝心郁想自己拍MV
- 10分鐘前
影壇新貴余香凝（Jennifer)都真係幾多戲拍，不過佢呢日開工唔係拍邊個導演新戲，而係拍自己作曲嘅新歌《無得比》。放低咗演員身份，埋位專心夾band唱歌，反而勾起咗佢嘅導演癮。「第一次冇參與演戲嘅部分，放手交畀其他演員去做，同公司嘅方珈悠（Jamie）都有參與拍攝，好多謝大家仗義幫忙！不過因為緊張個效果，所以一早就嚟睇佢哋拍攝，當中有個小朋友可能太攰，中途扭計跑走咗，我突然有啲『導演上身』嘅感覺，一路喺鏡頭外教佢點做，呢個經驗幾特別，以後有機會都想執導自己MV，不過自知鏡頭處理方面唔係咁叻，所以希望可以合導。」
Jennifer話首歌嘅取材喺嚟自佢自己嘅親身經驗。「《無得比》主要係講『比較』嘅心理，記得小學時，有個同學彈琴好叻、讀書又好，媽咪經常同我講『你學吓人啦，點解你咁差㗎？』當時成日覺得自己好無用。最近媽咪撞返呢位舊同學，原來過咗咁多年，我仍然耿耿於懷，暗地裡想同對方比較，睇吓邊個成功啲，我先發現呢個心態好恐怖，所以要用呢首歌提醒自己，唔好成日同人比較，要相信每一個人都係獨特嘅，希望透過呢首歌，鼓勵大家多啲欣賞同愛惜自己，相信自己係最完美。」
【壹週刊直播平台 ChannelNEXT】
專家教你自保攻略｜口罩點揀｜防疫點做
立即睇
-----------------------------
疫情追蹤，最新消息，Follow 壹週刊Telegram：
點擊追蹤
----------------------------
【升級壹會員登記站 為你解疑難！】
親臨旺角做升級壹會員，即送「香港人：抗爭之夏」限量明信片
詳情地址
來源 source: http://nextplus.nextmedia.com
|
鍾意就快D Share啦！
|
|
|