敖嘉年講工作辛酸史。
藝人敖嘉年接受由梁梓禧（Roland）主持的香港開電視清談節目《是敢的》訪問，嘉年表示Roland是他的電台前輩，兩人相識廿年，但從未合作過，今次話題由出世開始講起，也包含工作上的辛酸史：「每個人都有，喺無綫拍劇經常要捱更抵夜，又試過畀前輩鬧。（邊個前輩？）太多，唔記得。記得入行幾日，喺餐廳食飯，有個老前輩話睇吓你個衰樣，今年冇乜特別就唔好做，我都有諗自己係咪真係咁醜，不過依家諗番覺得好好笑，又試過喺街畀人叫茄哩啡，真係會唔開心。（有冇後悔入行？）冇。當年話我嗰個前輩仲喺呢行，當係人生一個回憶。」
嘉年上月離巢，他稱無綫有跟他傾續約，而且條件不錯：「有加人工，不過公司想我四月拍套劇，但我四月有個舞台劇，疊住咗，所以真係拍唔到，珍姐（曾勵珍）叫我出去兜個圈就返嚟，大家係保持住好關係。（嚟緊有咩工作？）四月嘅舞台劇延遲咗去九月，嚟緊仲有套出面嘅電視劇同香港雷影。」
來源 source: http://hk.on.cc
|
鍾意就快D Share啦！
|
|
|
