大家都要加油，一齊抗疫！
藝人鍾麗淇的長女患有罕見基因病，今日她擔任清談節目《是敢的》嘉賓，分享人生不同階段的困難經歷：「困難一定有，唔會冇，問題係點樣去跨過，啲人經常覺得我好容易、好正面，但發生當下我都會唔開心，最重要係接受，要對自己有信心去面對到。我經常都喺社交網站分享，有好多特殊小朋友嘅家長會私訊問我嘢，但佢哋寫中文，我唔識睇，我要搵朋友幫我翻譯再回覆，所以最近我決定要拍片放上網。」
她稱由於疫情關係，已暫停教授特殊小朋友的工作，開始學習用科技去幫人及分享：「呢段時期我都要24小時面對兩個小朋友，我個工人姐姐又喺菲律賓返唔到嚟，我用電話拍片同人分享吓，但嚟緊都要買個腳架先得。」她有感面對疫情，特殊家庭尤其困難，她的機構將會派發物資給特殊家庭：「會派啲由職業治療師揀嘅玩具、消毒液同口罩。喺疫情下都要搵方法過正常生活，我都會帶小朋友出街，當然會戴口罩。」
來源 source: http://hk.on.cc
|
鍾意就快D Share啦！
|
|
|
