愛駒身體有事，退役都係好決定。
藝人蘇志威同太太劉小慧一直都視愛駒「駿王」為「親生仔」一樣，上月駿王出賽無奈包尾兼發現心律不正，搞到兩公婆都好擔心！今日有消息指，駿王自從於2月2跑出賽後，並無再於晨課露面，今朝練馬師鄭俊偉向受薪董事透露蘇志威已答應讓「駿王」退役，畀年屆7歲嘅「駿王」退下火線歎世界。
劉小慧接受電話訪問時，承認「駿王」要退役：「係呀，冇法，冇得玩啦。」又說由於香港沒有最理想的地方養「駿王」，所以她打算將愛驅送往新西蘭：「搵咗最好嘅農夫，一定會養到佢終老，使費都唔係好大，幾萬至十幾萬不等，我哋會搵最好嘅，所以我要努力喺社交平台賣嘢養『仔』，到底要去邊度，就等練馬師幫我搞。」
將和「駿王」分隔異地是否很不捨得？小慧即爆喊：「好唔捨得。（幾時送走？）要視乎機位，或幾個月後，平時我成日都會去探佢，如果送咗去新西蘭，我都會搭飛機去探佢，一年起碼一、兩次，當送個仔去外國讀書，我養咗佢三年，好錫佢，當初係老公話養馬係佢夢想，點知我就中咗伏。」
她又說退役是和老公商議後的決定：「見駿王嘅身體狀況咁，都唔想佢再咁辛苦，呢個係尋晚決定咗，就同練馬師提出，我想講喺呢三年嚟，真心多謝錫駿王嘅所有朋友，包括練馬師鄭俊偉，馬房啲工作人員，好照顧駿王，如果唔得係佢咁悉心嘅愛錫，駿王可能一早要送走。」
來源 source: http://hk.on.cc
|
鍾意就快D Share啦！
|
|
|
