李漫芬原來有份演《法證IV》。
藝人李漫芬（Fanny）原來有份演熱播的《法證先鋒IV》，在結局篇才出場，一出場就死。她老公談成坤（Alvin）和女兒心心屋企睇到呆咗，她說：「心心睇到我一出現就死咗，面上面仲畀人劃交叉，佢喺度嗌哎吔，心心都係法證忠實粉絲，好鍾意聽法證主題曲，播畀佢聽，就乖乖食飯。」
劇中她有幕掌摑張曦雯，笑言老公未見過她如此潑辣，「一知要打曦雯，心好唔舒服，我講定唔好意思先，佢話唔緊要呀，大家溝通好好，結果一Take過，其實我打人唔止咁少嘅．我雖然死咗，但生前仲有戲份。」
提到她老公談成坤（Alvin）本身是游水教練，在新冠肺炎疫情下，近月泳班叫停，有指她推薦靚仔老公拍劇兼拍廣告，幫補家計，她說：「其實唔係我推薦，佢放假去玩吓客串，係佢個好兄弟有做開，叫埋佢一齊，咁Alvin本身都有興趣，之前都客串《多功能老婆》，最近又客串多一部，好感恩，最近有人搵佢拍個按摩膏廣告，幫補吓屋企。」早前趁老公沒工開，一家三口往影家庭照，她說大肚時拍過一輯當是上半輯，現在有囡囡一起，當作影下半輯，及順便慶祝心心四月一日兩歲生日。
來源 source: http://hk.on.cc
|
鍾意就快D Share啦！
|
|
|
