熱爆娛樂: 【19年落選港姐冇腦】《姊妹淘》主持蔡嘉欣行山「感謝疫情」遭網民鬧爆後認錯 #港姐 #蔡嘉欣

2020年4月21日星期二

【19年落選港姐冇腦】《姊妹淘》主持蔡嘉欣行山「感謝疫情」遭網民鬧爆後認錯 #港姐 #蔡嘉欣

【19年落選港姐冇腦】《姊妹淘》主持蔡嘉欣行山「感謝疫情」遭網民鬧爆後認錯
32分鐘前

港人為抗疫，盡量少去人多地方，改為去行山，每逢假日各大小行山熱點都變得人頭湧湧。

上年落選港姐、《姊妹淘》主持之一的蔡嘉欣（Kayan），日前就身穿小背心運動裝到「香港千島湖」行山，諗住影靚相呃Like，仲寫長文抒發心情，點知就出事喇。

「感謝疫情，喚醒了我們家沉睡多年的運動基因，咁多年黎（嚟）從未同屋企人行過山，不過為了響應政府的限聚令，我地（哋）5人家庭，每次只能4人出動，繼上星期佢地（哋）4個自私行，今日終於成功賣甩我家姐，不過我覺得作為呀妹...下次都係尊重敬畏家姐好，下次讓返個位俾你」。

一句「感謝疫情」，結果引來唔少網民口誅筆伐，大鬧Kayan「好無腦」、「作為公眾人物唔鼓勵人stayhome，仲感謝疫情俾你去行山，冇品定冇腦」、「發放乜嘢正能量，俾人笑你無腦咋」。

遭網民圍剿的Kayan，馬上將「感謝疫情」改為「這段日子」，兼且向網民認錯，「我認錯，我無腦，我唔應該用感謝2字，令大家曲解了」、「都係我無腦，我衝動又衰多口，我絕對沒有指責網民的意思，大家留言都十分重要，我認真睇，感謝大家賜教」，似乎抗疫期間去行山，零舍易「出事」喎。