【娛樂人物】
袁嘉敏（Candy）擁有34D的「炮彈」身材，但近年感情上卻長期空白。Candy希望經不同的交友app尋找Mr.Right，怎料卻發現全被封鎖，原來因早已有人盜用她的性感相片登記賬戶，甚至有人冒充她行騙，令她情路更加坎坷，但Candy仍抱積極態度，希望終有日「坎坷過後有艇搭」。
撰文：寶妮
攝影：仇志德
現年35歲的袁嘉敏已單身一段時間，她早前在旺角接受《蘋果》專訪，直認一直想透過交友app識異性，可惜「全軍覆沒」，Candy謂：「諗住喺啲交友app登記，點知全部都block我，原來幾乎個個app都有人偷用我嘅相登記咗，早前有個葡萄牙男人經fb搵我，話有人用我嘅相呃佢，叫佢買乜嘢網上貨幣，我有提議叫佢報警。」
每日收包養訊息
被人盜用身份，Candy表示已有不少朋友向她「舉報」，她說：「啲人被人呃，我都唔知點解決，真係怕有一日忽然喺街被人用刀插，原來啲人以為被我呃嚟搵我尋仇。」Candy又表示自己曾因被盜用身份而報警，但警方表示解決不到，反叫她找律師尋求幫助。除了交友app，Candy也曾參加過speed dating：「不過覺得信唔過，我自己都曾經幫大會做過『媒』，仲要係女仔識女仔，不過十幾年前嘅事。」她表示現因武肺疫情要留家抗疫，即使出街都要跟人保持距離，笑言要找特色口罩吸引異性。
其實Candy兩年多前曾和一位失婚男拍拖，但半年便玩完：「佢有一仔一女，其實佢唔係真係咁鍾意我，又唔鍾意我成日唔喺香港。近年approach我嘅男仔，有八成只係20出頭，佢哋想我包養，其他兩成係好怪嘅人，想約我但又唔表明身份，名都冇點考慮。」這些來歷不明的訊息是否想包養、約飯局、甚至是性騷擾？Candy直言：「都係，由《鴨王》到𠵱家幾乎日日有，有啲訊息可能只有價錢，睇唔明唔會困擾，不過當然寫到明會拒絕，睇開咗，過幾年會冇。」
大部份男士埋身會否只為性？Candy也認同：「會嘅，其實平時我着得好casual，但演出人哋係想我着得華麗閃令令，人哋嚟睇索女，試過我着保守啲都被人鬧。」其次令男士卻步是Candy給人印象太獨立、太強，根本毋須依靠：「我一個人去過內地40幾個地方，有啲內陸地方，連助手、屋企人都嫌遠叫唔好去，但我想多份收入，自己都擔心安全，但要被人『熔』邊度都『熔』到。」
想40歲前有個伴
有朋友叫Candy轉行可能易找男友，但她坦言：「我呢10年都係做娛樂圈，冇乜其他工作經驗，唔通𠵱家有錢賺唔賺，過幾年冇咁嘅機會，我都唔想為男人改變自己。」Candy雖渴望結婚生仔，但有感現在世界各地都不穩，只希望40歲有個伴已足夠。
Candy近年愛上瑜伽，她即場示範做瑜伽改善胸、腰及大腿等線條，動作純熟，她表示：「學咗幾年，之前身形唔靚，個人縮埋，呢一年好有決心去做，做咗個人sharp晒，搞到啲人話我隆胸。」經常在網上晒性感相，是否最滿意目前身形？Candy說：「做運動唔單為身材，近來嘅情況（社會氣氛），自己（情緒）都會沉落去，社會真係要有返正能量。」她指身材沒有太大改變，總算保養得宜。
場地提供：Fivez Fitness & Wellness
來源 source: http://hk.entertainment.appledaily.com
|
鍾意就快D Share啦！
|
|
|
