掃呢頁CODE去手機

2020年4月2日 星期四

劉小慧:劉小慧蘇志威搞網店 當眾「上床」谷生意 #劉小慧 #蘇志威

劉小慧搞網店,蘇志威就幫手拍片剪片。退出娛樂圈廿多年的「得閒修女」劉小慧,依家係網絡紅人,喺網上做直播介紹筍貨畀網友,吸納咗大批粉絲。而最近因為疫情嚴 ...




劉小慧搞網店,蘇志威就幫手拍片剪片。


退出娛樂圈廿多年的「得閒修女」劉小慧,依家係網絡紅人,喺網上做直播介紹筍貨畀網友,吸納咗大批粉絲。而最近因為疫情嚴峻,小慧為粉絲四出撲口罩及清潔用品,因此識咗好多朋友,又搵到好多唔同類型嘅產品,加上粉絲不停叫佢搜羅唔同嘅嘢,令到佢對網上賣貨產生興趣,日前仲開咗劉小慧生活百貨「得閒mallmall」。


要回報老公


做咗未夠一個月,劉小慧發掘到自己嘅長處,佢話:「我喺網上開頻道做小生意,老公同阿女都好支持,老公係精算師,仲話養咗我廿幾年,依家係時候回報返佢,等佢抖吓,我都做咗催眠師,用把口介紹啲產品,依家先發現自己唱歌唔得,但口才都好得,如果我早廿年發現,我諗我已經成為咗富婆,商界女強人。」


蘇志威做「背後的男人」


劉小慧老公蘇志威雖然話依家等老婆養,但其實做咗「背後的男人」亦出咗唔少力,佢唔單止負責網上拍片剪片工作,仲要犧牲色相,同小慧親自網示範產品,當中介紹床單時,兩公婆仲搞鬼攞住張床單扮「上床」。由於依家仲喺投資期,小慧表示小本經營,主力亦唔係賺錢,為咗節省成本,兩公婆一腳踢,收貨、送貨、拍片一手包辦,仲多謝好朋友借地方畀佢擺貨。

來源 source: http://hk.on.cc
鍾意就快D Share啦!