梁祐嘉話佢廚藝有進步。
獨立歌手梁祐嘉（Abella）到新城電台宣傳新歌《天蠍》，她透露今年原定出3首歌，但受疫情影響，計劃趕不上預期：「又轉咗監製，到依家都仲未收歌，希望8月可以出到第二首。」
因大部分工作都被取消，她指留在家中抗疫兼「破地獄」，笑言廚藝極速進步：「我本身煮嘢食都唔差，未食到人想嘔，身邊嘅人對我嘅要求亦唔過分，但我係啲唔記得熄火嘅人！」續自爆就連簡單煮個麵都險釀成火災，她說：「嗰次係煮煮麵吓就出咗去梳化Hea，因為嗰隻麵係要煮耐啲，冇記性到咁呀我！係聞到啲𤓓味，就入去睇，出晒煙，個煲又燶到黑咗。（老公有話你？）佢搖晒頭，警告我屋企有人先可以開火，因為有小朋友喺度。」
她指最近成日搓麵粉整腸粉、蛋撻，更自誇即使冇酒店級數，都有酒樓級數：「呢排冇得去酒樓食就自己整，仲搵咗囝囝嚟試味，佢好鍾意食。（老公冇讚？）佢話我有進步，安全入得口佢先會畀囝囝食，冇畀嗰陣就知咩事。」
來源 source: http://hk.on.cc
|
鍾意就快D Share啦！
|
|
|
