掃呢頁CODE去手機

2020年5月31日 星期日

馬國明:馬國明大爆被女星誘上房 吳啟華:晚晚都派呀! #吳啟華 #馬國明

嘩~咁爆?劇集《飛虎之雷霆極戰》現正熱播,有份參演嘅馬國明、吳啟華、王敏德及陳山聰一同接受伍詠薇(伍姑娘)同林盛斌(Bob)訪問。馬國明同吳啟華更大爆 ...




嘩~咁爆?


劇集《飛虎之雷霆極戰》現正熱播,有份參演嘅馬國明、吳啟華、王敏德及陳山聰一同接受伍詠薇(伍姑娘)同林盛斌(Bob)訪問。馬國明同吳啟華更大爆喺內地拍劇時,被女星主動埋身引誘上房一事!


馬國明話曾有唔係好熟嘅女星主動畀個房號佢,但佢就斬釘截鐵話「唔會」:「唔會啦,一定唔會啦,一陣一入去成班麻甩佬捉你黃腳雞,通常都係跣你唔係愛你!主動到咁梗係唔會啦,我覺得你裝我多過真係愛我,有啲想報警添呀!」當阿Bob問到係咪幕前演員,馬國明就話係,不過就唔講邊個喇!


之後吳啟華再加碼爆料:「我聽過啲直情成組人派晒,連camera man(攝影師)都有呀!壞女人可以壞成咁,大家都知嘅!」之後佢哋笑言可能人哋係賣日用品啫!佢就直言對方好「得」,伍姑娘追問:「仲要係女一嚟嘅?」吳啟華冇否認,諗咗諗答:「好…萬人迷呀!」嚇到全場嘩然!最後被問到:「如果佢淨係畀你呢?」吳啟華就笑謂:「咁呢,就可能會考慮喇!」



來源 source: http://hk.on.cc
鍾意就快D Share啦!