傻豬嚟，唔好喊
曾被指出軌的內地女星李小璐與賈乃亮去年宣布離婚，二人依家各有各生活，不過話晒曾結婚7年，感情都唔係話放就放得低，就好似賈乃亮同王祖藍最近拍攝嘅真人騷《親愛的來吃飯》入面，咁啱佢哋就做一對素人求婚嘅見證人，當中賈乃亮仲情緒失控，搞到眼淚鼻涕一齊流，真係我見猶憐……
節目安排賈乃亮同王祖藍去到一對情侶屋企食飯，男主角本身就係退伍軍人，佢就鐵漢柔情即場同拍拖7年嘅女友求婚，賈乃亮同祖藍就做見證人，當男主角一跪低嗰刻，賈乃亮已經眼濕濕，對方講咗幾句未入戲肉，賈乃亮直頭要離開螢幕走去偷偷拭淚，一入番鏡佢竟然眼淚鼻涕一齊流，感動到差啲要抽搐咁滯，仲一而再再而三咁抹眼淚，相反祖藍就平靜得多，只係喺旁邊微笑，連一對準新人都未有淚光！
大批網友見到呢幕都認為賈乃亮似係觸景傷情，諗起自己嘅經歷搞到情緒失控，喺鏡頭前都Hold唔住啲眼淚，唔少人都留言安慰佢，仲話一定會支持佢搵到一個愛佢嘅另一半呀。
來源 source: http://hk.on.cc
|
鍾意就快D Share啦！
|
|
|
