掃呢頁CODE去手機

2020年5月21日 星期四

【《頭條新聞》被下架】陳志雲指通訊局要求諷刺節目平衡:係咪儍㗎? #陳志雲

昨日通訊局向港台發出警告,敦促嚴格遵守節目守則、商務及經濟發展局即時下令港台道歉,港台傍晚宣佈完成本季《頭條新聞》後將暫停製作,並向警察致歉。對於這件 ...






昨日通訊局向港台發出警告,敦促嚴格遵守節目守則、商務及經濟發展局即時下令港台道歉,港台傍晚宣佈完成本季《頭條新聞》後將暫停製作,並向警察致歉。對於這件事,今天陳志雲在他自己的YouTube貼出一條一小時直播,評論《頭條新聞》事件。

陳志雲表示自己很關注《頭條新聞》事件,他指自己在通訊事務管理局前身的影視及娛樂處工作,他表示以前規管《頭條新聞》的守則同現在不是有沒有分別,令他擔憂的是為甚麼會有這麼大的轉變。他指不明白為何用「時事節目」的守則去規管《頭條新聞》,又有另一種是規管「個人意見節目」,在從前投訴《頭條新聞》是用「個人意見節目」守則去規管,現時又用「時事節目」的守則去規管,叫節目方面如果適從?他又指如果《頭條新聞》方面進行司法覆核,是可以打官司,更指這次的做法是無理。

陳志雲在直播中表示感到很憤怒:「咩事啊?而家發生咩事啊?我真係唔出聲唔得。我自己做過監管嘅、被監管嘅,又做過觀眾又做過聽眾,有冇搞錯啊?係咪要淪落到咁樣啊?大家諗吓,有常識嘅人諗吓,你會唔會話呢個係一個時事評論節目?會唔會話佢係一個個人意見節目,呢個節目一睇就知係諷刺節目,係諷刺啊!你要求一個諷刺節目去平衡?你係咪儍㗎?你上咗腦啊!粗俗啲講,我真係唔知你食咩屙咩,有冇搞錯呀?你要一個諷刺節目去搵資料畀你,仲有唔同嘅人去表達意見,你叫我諷刺啲咩?」

陳志雲對這件事又指很想用「卑鄙」兩個字去形容,就算不用卑鄙,也算是極度低劣:「就算你話佢哋錯,而冇任何政治目的都好,你好難令人唔聯想你係有政治動機,我當你冇,咁你就係蠢,蠢到離晒譜。有少少常識都唔會話時事節目我覺得痛心疾首啊,我好少咁嬲!如果你覺得佢諷刺得你唔啱,得罪咗你嘅,你咪講返自己嗰邊嘅嘢囉!你唔想人諷刺好容易咋嘛,你咪做好啲囉,做得好咪冇人諷刺你囉!你做得唔好,人哋笑吓你,你就嬲?你個心玻璃到咁。」

陳志雲其後更談到警察,他說:「我對警察冇大家對警察咁反感,但我畫面見到唔係咁,見到對待市民唔係咁嘛,人哋諷刺你少少就寫信去鬧!而家代表你高壓就可以係咪?民心唔係咁攞。如果你覺得《頭條新聞》話你攞晒啲物資唔公道,你咪講返囉,甚至可以要求《頭條新聞》可唔可以畀個位你澄清,我肯佢哋好樂意咁做,你敢唔敢咁做先?敢唔敢先?」

-----------------------------

App內1-Click訂閱《蘋果動新聞》

按此了解更多


鍾意就快D Share啦!