去年今年，是民陣發起「譴責鎮壓，撤回惡法」大遊行、吸引200萬真‧港人上街的日子，而在這個紀念日，剛好是衛詩雅主演電影《熟女愛漫遊》假銅鑼灣舉行首映禮的日子，她今晚與同片的李任燊和周祉君出席活動，提到今日是「6.16一周年」，衛詩雅說：「係片商決定，其實我都擔心會唔會再延期。」
衛詩雅坦言電影在一波多折下終於上映：「我哋（2018年）去沖繩參加電影節，遇上當地爆發麻疹疫情，好彩冇事；第一次（喺香港）上映，就遇上社會運動，最後冇上到，因為全部戲院要閂，第2次上映又遇上疫症爆發，於是再延期，今次其實係第3次。」
衛詩雅指拍這部電影拍得很輕鬆，就連男主角都由她決定：「我同唐禹哲拍過港視劇集《還來得及再愛你》，好friend，私下有聯絡，片商問我有咩台灣藝人想合作，我就揀咗唐禹哲，同埋佢喺日本係好多人識，我好多謝佢，因為佢用好低嘅友情價幫我客串。」問到有無親熱鏡頭？她表示有咀嘴戲。
講到最深刻之處，衛詩雅指在東京街頭等埋位時，在一間滑板店內看滑板：「監製叫我埋位，轉頭買畀我，我覺得呢部戲究竟係咪我阿爸投資㗎？對我真係好好，不過劇組啲人話我好蠢，應該睇地產，點解睇滑板㗎，梗係睇車或者睇樓，事後我有問，原來買滑板可以當道具用埋。」
談到外地艷遇，衛詩雅坦言遇過一次：「拍完呢部戲，我自己一個去台灣旅行，遇到一個北京男仔，不過我對佢冇興趣，所以冇發展。」問到有傳好友陳家樂與連詩雅蜜運，衛詩雅甚為口密：「係咩？佢有另一半咩？我唔知呀，其實我同佢唔係好friend。」她又指自己如果要搵另一半，一定會搵圈外人。
此外，周祉君在片中飾演在日本居住、識講廣東話的台灣留學生，李任燊則飾演來自馬來西亞的天才發明家，所以他們要講多種語言。李任燊今次是首次踏足日本，周祉君便充當導遊帶他到處去。
採訪：黃曉妍
攝影：仇志德
-----------------------------
打國際線 《蘋果》英文版免費試睇按此了解更多
英文版已登錄新版《蘋果》App按此下載/更新
來源 source: http://hk.appledaily.com
|
鍾意就快D Share啦！
|
|
|