2020年6月17日星期三

擔正女主角新戲上映一波三折　衛詩雅講明揀對象要圈外人 #衛詩雅

擔正女主角新戲上映一波三折　衛詩雅講明揀對象要圈外人

衛詩雅話揀圈外人做男友，因怕見到男友同其他演員親熱。

衛詩雅、周祉君及李任燊出席電影《熟女愛漫遊》首映禮，擔正做女主角的衛詩雅表示，該片於兩年前拍攝，原定去年上映，但經歷一波三折。她說：「遇上參與沖繩電影節時當地爆發麻疹，上映時發生香港社會運動，因為戲院關門，所以要取消，之後就爆發疫症要延期，今次就終於首映禮。」談到今日是616遊行一周年，她直言不知，由片商安排首映禮日子。

衛詩雅透露該片於日本拍攝，題材很輕鬆，片商任由她挑選男主角人選，於是找來唐禹哲，皆因首部港視劇跟對方合作變成好友。她說：「唐禹哲在日本幾hit又多人認識，我好多謝他，因為他以好低友情價客串了兩日，我同他有錫嘴戲。」她笑言演出該片最深刻是在東京街頭預備埋位，當時睇緊滑板，監製想她投入拍攝，於是答應會買滑板給她，她即笑謂該片是否她爸爸投資！？但工作人員笑她好蠢，應該睇地產等監製說買給她。談到戲中的她失戀後去旅行找到真愛，她表示為該片完成後，獨自到台灣玩，遇上同樣學滑浪的北京男生，但沒有興趣。問到可想像好友陳家樂找到另一半，衛詩雅即笑謂：「係咩？佢有另一半咩！？佢嘅嘢我唔知。（可想找另一半？）隨緣最緊要搵個錫自己，但我會揀圈外男生，因為圈內男生拍戲會接受不到有親熱戲，我會打死佢㗎！我拍就得，佢唔得！」