全城競猜冇獎問題遊戲～
前無綫新聞小花陳嘉倩近年轉型為KOL，眼大鼻高、樣貌標誌嘅佢係唔少宅男心目中嘅女神，身邊梗係不乏追求者，日前為ViuTV節目《有酒今晚吹》擔任嘉賓，大爆當年喺無綫做主播時曾獲男藝人借醉示愛！
陳嘉倩話有次喺慶功宴嘅卡拉OK聚會認識一位「全能男藝人」，但竟然事隔冇耐，對方有一晚半夜send短訊向佢示愛，而且短訊斷斷續續、冇邏輯，估計飲醉酒：「嗰個Artist（男藝人）鍾意飲嘢嘅，都好適合上呢個節目嘅。唱K之後呢，識咗唔係好耐咋嘛，咁佢都有Text，有表白咁樣。」主持練美娟問就問對方有冇講「我愛你」，陳嘉倩回答：「類似咁啦，我估佢醉咗，因為我好怕收到呢啲『Drunk Message（飲醉酒發的訊息）』。」問到男藝人嘅身份，佢透露對方所有範疇都有涉獵，係一位全能男藝人。
此外，佢仲透露有次凌晨收工，獲狂迷跟蹤：「有個男仔拎住紮花，喺對面馬路大嗌我個名，跟住又話送我返屋企，因為完全唔知佢係咩人，條路又好靜，所以好驚，我拒絕完佢，佢仲跟我行咗一段路。」
來源 source: http://hk.on.cc
|
鍾意就快D Share啦！
|
|
|