剛完成ViuTV新劇《暖男爸爸》拍攝的余香凝（Jennifer），趁新劇煞科，即去睇首映放鬆心情，除了Jennifer，還有可嵐、邵音音等，今晚去到圓方戲院，出席電影《我老細係天后》首映禮。
余香凝剛完成ViuTV電視劇《暖男爸爸》拍攝，在劇中飾演一名媽媽。今年26歲，2017年初拍電影的Jennifer笑言:「今次已經係從影第8次飾演演媽媽角色，之前《地產仔》更做過有8歲小朋友嘅媽媽，以前見到小朋友過嚟就驚，怕同小朋友合作，喺拍《骨妹》嘅時候同小朋友合作，更驚到發惡夢，返到屋企仲聽到佢哋嘅喊聲，而家拍攝嘅BB都好鍾意我。」Jennifer表示當然想多拍愛情片，她透露日前與老友廖子妤談到香港女演員年長後不能再演青春角色，她說:「自己唔知可唔可以再著返校服演戲，暫時唔怕被定型演阿媽角色。」
可嵐最近以經理人身份簽了一隊4人樂隊WKEND，可嵐指WKEND是演出街頭音樂，自己在網上節目認識他們，曾跟他們到過尖沙咀海傍作街頭演出，可嵐說：「自己一心諗住演唱嘅歌單，原來去到現場好彈性，有人會點歌，亦冇機會講嘢，因為人哋只係想聽歌。自己唔算第一次做經理人，兩、三年前都簽過兩個男歌手，算係第一次做樂隊嘅經理人，希望畀觀眾見到佢哋更多嘅長處。」此外，可嵐透露下個月中會開第二間餐廳，該餐廳位於元朗屋苑會所，屬於中西式餐廳。
來源 source: http://hk.appledaily.com
|
鍾意就快D Share啦！
|
|
|