在本月29號32歲生日，兼且盛傳正與陳家樂蜜運中的連詩雅（Shiga），今日懷着靚靚心情去到新城電台宣傳新劇。Shiga透露好友黃翠如昨日預先為她慶祝生日，特別為她安排一個玫瑰花蛋糕，Shiga說：「蛋糕特別訂製，係低糖低卡路里，喺新劇賺到兩位好朋友翠如同Yoyo（陳自瑤）。我鍾意一班人一齊慶祝，我都好著緊佢哋嘅生日，會送花訂蛋糕畀佢哋。」對於陳家樂有否相約慶祝生日，Shiga想了一想並說：「唔答，生日要開工，未諗到做咩，當日要拍廣告，生日有錢搵最開心，搵錢重要過好多嘢，希望盡量搵多啲。」對於會否叫家樂養，Shiga回應：「我唔會叫任何人養自己，會自食其力，除咗我媽媽，唔相信永遠有一個人喺我身邊，最重要都係媽咪，媽咪養大我，我養番佢。」
有新劇出街的連詩雅表示，很多觀眾在街上稱呼她角色名字，感到高興有人留意，她指角色盡量淡妝，但長期熱氣以致咀唇較紅，她說：「近排冇得瞓好緊張，要keep住知道大家對齣劇點睇，做得好唔好，有觀眾話我醜樣，我唔係特別靚，係化妝幫到我有呢個效果，自己都有上討論區睇觀眾嘅反應。」
新劇出街對於陳家樂讚好睇，Shiga：「佢係讚齣劇好睇。」對於家樂有讚其演技，Shiga說：「我睇網民嘅意見多啲，大眾觀眾畀嘅意見，而身邊好多人支持好開心，因為係自己第一齣劇，最初擔心大家唔鍾意 或者日日睇電視見到連詩雅想打爆個電視，自己好冇信心，但係而家好開心，因為齣劇賺到好多嘢，特別係翠如同Yoyo兩個朋友。」
-----------------------------
打國際線 《蘋果》英文版免費試睇按此了解更多
英文版已登錄新版《蘋果》App按此下載/更新
來源 source: http://hk.appledaily.com
|
鍾意就快D Share啦！
|
|
|