【頭條獨家】40歲仲未有女友 吳卓羲笑阿媽心急寧抱孫先
吳卓羲最近在《飛虎之雷霆極戰》演的「章文龍」周旋於蔡潔演「毛逸敏」和余香凝演「姚嘉楠」之間，相當好艷福。不過，現實中已40歲的他，感情依然未有着落，他坦言工作太忙緣份未到都冇計，而揀女友只要求靚女、孝順及獨立，叫大家多等幾年，應該會有好消息，但原來吳媽媽早已等唔切，竟然想先抱孫後飲新抱茶，令他哭笑不得。撰文：杜淑霞 攝影：李維隆 髮型：Harry Leung 化妝：Marsha Ma 場地：香港瑰麗酒店
卓羲今次在《飛虎》跟黃宗澤再拍檔，原來兩人在TVB年代合作不算多，所以今次玩得特別開心，加埋馬國明和三哥苗僑偉，日日開工充滿笑聲。不過，他亦被兄弟取笑，今次劇中特別好艷福，有兩個女拍檔，而蔡潔仲自爆為打開兩人隔膜，他曾主動請飲嘢，他笑着澄清謂：「我驚佢覺得我Cool，我哋要發生愛情故事，唔可以有隔膜先，不過我唔係淨係請佢飲，全部人都有請。」
劇中卓羲有兩女選擇，但現實中他仲未有着落，講到擇偶要求，他笑言最好靚女，但首要孝順仲要夠獨立，「因為我有時做嘢唔喺香港，可能去海外做嘢，可能唔止見唔到兩、三日，好似拍戲拍兩、三個月咁點呢，你唔可能成日都飛到嚟，會有啲獨立嘅時候，你有自己工作同興趣去做會好啲。」
卓羲又自爆媽咪都有催婚，但知道他太忙，連女友都未有唯有直接想抱孫，「佢話『唔結婚生仔先啦，知你暫時冇乜時間，生仔先會唔會考慮吓？』，我話吓！佢即刻話『咁無嘢啦，食飯先』，佢都係問過一、兩次。（生仔先你OK？）我無所謂，我OK。」卓羲話阿媽和家姐都講明肯幫手湊，他亦擔心自己年紀唔細，過多幾年都未必湊到，可惜他仲未有對象，「畀多幾年時間我，我會努力搵緣份。」
來源 source: http://hd.stheadline.com
|
鍾意就快D Share啦！
|
|
|
