疫境下香港各行業大受影響，演出業界幾近停頓，業內不同崗位從業人員長期處於零收入狀態，境況堪虞。繼香港電影界之後，演唱會製作單位最近亦成立了一個協會，跟主辦、工程、製作、樂手及舞蹈五個界別業內手足爭取權益，共渡難關。
多年來致力參與演唱會工作的四位資深製作人，包括：何麗全、葉偉忠、謝嘉豪及蔡健輝聯手牽頭，籌組一個名為「香港現場演出及製作行業協會」（以下簡稱「協會」），協會成立宗旨為適時協助業內人士渡過目前困境，持續目標旨在保障業界及爭取工作上各方面應有權益。而協會成立理念得業內不同範疇翹楚認同，創會理事會成員包括：鍾楚霖、陳木興、蔡日昇、陳龍華、Jack Lam、杜自持、趙增熹、Sunny Wong、HighKing Li 等，大家目標一致，冀望代表所屬界別出謀獻策，爭取應有權益，達致共贏局面。協會成立後將會展開一連串活動，並即時籌組「抗疫支援基金」，務求為各會員解燃眉之急。
何麗全今日接受《蘋果》電話訪問，透露個幾月前開始籌組協會，他說：「疫情下，呢行業全部凍封，好多人冇嘢做，即使計劃好嘅演唱會都取消。為咗幫助從業員，第一我哋係要搵到業界有影響力嘅人士加入協會，大家要眾志成城。」他表示最快7月初舉辦第一個籌款活動，他說：「目的係請行內人工作，例如燈光、樂隊等，籌到嘅善款就要幫助生活好困難嘅人。」
-----------------------------
打國際線 《蘋果》英文版免費試睇按此了解更多
英文版已登錄新版《蘋果》App按此下載/更新
來源 source: http://hk.appledaily.com
|
鍾意就快D Share啦！
|
|
|
