陳蕊蕊、吳國敬與古明華等今天在觀塘出席活動，吳國敬自爆正積極戒澱粉質減肥，他說：「呢4、5個月肥咗15磅，由135磅去到150磅，5磅係脂肪，10磅係水，肥到連着褲、條皮帶扣都會向下，好辛苦。呢排戒咗澱粉質同跑步，冇咗8磅。」問到有相約好友許志安一同跑步？他說：「佢忙復出，之前喺會所撞過佢，不過嗰度有確診者，大家都冇去。」安仔昨天出席音樂節目，表示已ready復工，吳國敬直言有看他的訪問，希望好兄弟越來越好，他會全力支持，問到覺得安仔表現誠懇？他說：「大家畀個機會佢，人誰無過，佢係一個出色嘅歌手，值得欣賞同喺樂壇存在，大家高抬貴手，佢係好出色嘅歌手。」會計劃跟安仔開騷嗎？吳國敬想也不想說：「總之兩脇插刀、赴湯蹈火，佢一吹雞我就起動。」
同場的蕊蕊也明顯脹卜卜，似增磅不少，她笑言不敢上磅：「一來冇嘢做，運動又做少咗。」提到是否與傳聞中的大隻仔男友拍拖，有愛情滋潤發福？她終公開戀情，甜絲絲笑說：「通常公開承認就會散，想收埋，係啦，結婚先講，呢啲好邪㗎。」問到是否效法馬國明與湯洛雯，被傳媒拍到後才公佈？她說：「係，見到嘅就講，收得就收，佢怕醜，唔係太想我講。」問到是否拍拖後，可放縱飲食？蕊蕊笑說：「我會減㗎嘞，嚟緊9月會有舞台劇，一有動力就可以減。」
採訪：羅慧敏
攝影：葉君海
-----------------------------
打國際線 《蘋果》英文版免費試睇按此了解更多
英文版已登錄新版《蘋果》App按此下載/更新
來源 source: http://hk.appledaily.com
|
鍾意就快D Share啦！
|
|
|
