葉家寶、陳友、李璧琦、林志美、蔣麗萍、張崇基等今日在海洋公園進行《疫境同行 愛是不保留Online音樂會》錄影，稍後於6月20日及21日播出。受疫情影響，陳友表示人與人之間多了隔膜：「1月尾，我擔心香港嘅疫情，太太身體又唔係咁好，我叫佢去美國避疫，2月1日就去到西雅圖，唔夠兩個禮拜，嗰邊就大爆發，直到今日，佢打畀我話返唔到，囝囝就喺三藩市，變咗我一個人喺香港，係一個好孤單嘅父親。」囝囝會否以視像方式跟他慶祝父親節？陳友笑說：「冇理由我叫，我個心就擺咗出嚟等緊佢哋安慰。」
陳友透露自太太患病後，已將內地生意賣給舊同事。對於他支持「港版國安法」，陳友說：「我住喺香港，但唔係好識政治，但係我好希望我屋企能夠唔使被人打爛，我諗每個人都係咁，唔同意見嘅人，大家都接受，好似我今日唱《LOVE》，可能好舊，但係講嗰種愛，大家都係融合嘅，一齊去保衛屋企，然後繼續有好嘅生計，希望有個平穩嘅香港，我係咁嘅心態。」提到有fans與譚詠麟和鍾鎮濤割席，陳友表示：「呢度係我哋屋企，我哋有個愛，我哋大家都係一家人，我哋點樣做好我哋嘅未來，我覺得呢個先係最關鍵。」
李璧琦下月結婚一周年，她坦言很開心，笑指老公經常自嘲胖了不少：「因為我成日喺屋企煮嘢食，搞到老公要喺屋企做帶氧運動減肥。」她表示仍未想到怎樣慶祝，又笑言未有計劃生BB。提到她與無綫的合約，她說：「暫時係，下個月會開劇，幫手拍一個單元。」是否將會約滿？她只謂：「再話畀大家聽」
採訪：黃曉妍
DV攝錄：馮嘉銘
-----------------------------
打國際線 《蘋果》英文版免費試睇按此了解更多
英文版已登錄新版《蘋果》App按此下載/更新
來源 source: http://hk.appledaily.com
|
鍾意就快D Share啦！
|
|
|
