無錯，就係約咗黎美嫻！
藝人鄧萃雯（雯女）近年工作方向轉攻大陸市場，見佢早排參演大陸綜藝節目化身《我和春天有個約會》「姚小蝶」，唱兩首歌就輕鬆淨袋人仔，都幾梳乎。雖然依家佢多咗喺內地，不過香港嘅朋友都一樣要見！佢就約咗曾有「第一古裝美人」稱號嘅前藝人黎美嫻見面，兩個好姐妹頭貼頭合照，笑容一致，默契十足！
鄧萃雯仲晒出二人當年合作拍攝嘅舊合照，續自爆黎美嫻係佢讀TVB藝員進修班時最好嘅朋友，不過好姐妹都曾試過有芥蒂，當年合作拍戲時仲試過睇對方唔順眼，好在依家大家有共同信仰，仲冰釋前嫌和好如初添：「她是我讀TVB藝員進修班時最要好的同學黎美嫻，曾經是閨蜜也曾經有芥蒂，合作拍戲時試過超不順眼對方，但事隔多年後因為大家都成了天父的女兒，神的愛讓我們冰釋前嫌和好如初了🙏🏼。雖然不常見但每次在一起無所不談，一秒就可直説心底話，開心傷心都隨意，今天還笑說我們已經相識35個年頭，人生有幾個35年呢？這樣的朋友當然要好好珍惜和寵愛。」
來源 source: http://hk.on.cc
|
鍾意就快D Share啦！
|
|
|