胡定欣早前處於休養狀態，在電視圈停產近兩年，近日重返大台拍劇，逐漸復工。胡定欣今日在柴灣拍攝健康食品廣告，與9個月大小朋友上陣。
定欣早前榮升姑媽，近日常自稱保母，幫細佬湊BB，又幫忙餵夜奶，所以今日和小朋友合作完全冇難度，一嚐保母滋味後，她說：「好佩服做媽媽精神，細佬BB四個月大，噚日餵佢食完兩安士奶就扭計。」定欣和品牌合作8年，身邊親友齊齊受惠：「品牌由我小妹妹到而家都堅持用我做代言人，會推薦身邊朋友，健康好重要。」
一直有傳定欣今年會離開大台轉戰簽約古仔旗下向電影發展，定欣今日確定留在娘家：「年尾會開拍《白色強人2》，同公司傾合作到尾聲，有明確方向適當時會公佈，TVB個平台帶畀人更多機會，我哋會保持一個關係。經過充裕休息後，自己都期待拍劇，兩年冇拍過。」消息指定欣原本轉投古仔，但因疫情各樣影響被迫打消念頭，定欣承認：「每個階段有唔同諗法，要睇大環境因素諗清楚去選擇，經過一段長時間考慮觀察，有一個落實嘅決定，而家有清晰明確方向。」直認暫不會簽約古仔旗下。
對於舊愛馬國明和湯洛雯近日公開拍拖，定欣戥兩人高興：「梗係開心啦，郎才女貌，但就未專登恭喜佢哋。對上同馬國明拍劇都一段時間，今次再合作好期待，亦有未合作過對手。」
撐警莊思明在外景車上被偷名貴手袋，信用卡被碌5萬元，警方迅速破案拉人，定欣表示平日在外景車也會小心，知道曾經發生類似事件：「銀包同貴重物品盡量跟身，試過搵有鎖嘅箱鎖起物品，同埋最好唔好放咁多現金，都係一個保障自己。」
-----------------------------
打國際線 《蘋果》英文版免費試睇按此了解更多
英文版已登錄新版《蘋果》App按此下載/更新
來源 source: http://hk.appledaily.com
|
鍾意就快D Share啦！
|
|
|