2020年6月5日星期五

【學校復課】職業病發區永權緊張送仔返學不忘做訪問 #區永權

【學校復課】職業病發區永權緊張送仔返學不忘做訪問

區永權和太太Clara齊齊出動送仔返學。

雖然疫情未緩和，但學生陸續分階段復課。47歲嘅區永權（Albert）2011年「一年抱兩」，大仔靖嵐（Aidan）1月頭出世，細仔靖崋（Ambrose）則誕於同年12月。轉眼間兩個寶貝仔大個喇，佢哋入讀嘅國際學校今朝宣告復課。

停學4個月復課，原來唔止得細路緊張，連大人都戰戰兢兢。區永權兩公婆一早就彈起身送兩子返學，見一家四口戴住口罩，精神唔錯，心情愉快。Albert喺IG出PO留言：「停課4個多月，終於復課，到底小朋友嘅心情係如何呢？聽一下就知道！」

他仲拍片記錄珍貴時刻，兩子先打向鏡頭招呼：「Hello！我哋要返學喇！」做慣《東張西望》主持人嘅Albert職業病發，仲邊行邊拍片訪問兩個囝囝感受：「停課咗幾個月返學，今日點呀？」兩子異口同聲回答話：「我哋好nervous(緊張)呀！」Albert哈哈大笑同時不忘為兒子打打氣說：「加油！」兒子馬上收到回應：「OK！」父子互動，相當溫馨。網民都好明白說：「加油啊！真係暑假都冇咁長，難免會緊張⋯」