現年27歲的余香凝（Jennifer）在演藝界漸有成績，亦曾獲香港電影金像獎提名最佳女主角，演技理應達到一定水平，但過去卻被電視觀眾批評演技差，Jennfier希望不斷改進，並以林嘉欣、李心潔為目標，達至演藝與家庭事業並存，渴望30歲前結婚生仔。
對於演技被批評，余香凝說：「批評嘅聲音我會睇晒，睇完當然會個心沉咗一下，但我接受批評，會問自己係唔係真係做得唔夠好？好多時候自己以為有為個角色設計好，但係原來螢幕上睇係唔覺，呢樣真係要反省，下次再有同類型角色時，點樣可以做得好啲。」余香凝在ViuTV劇集《地產仔》中飾演霸氣Cat姐，而在小朋友面前卻是最溫柔、仁慈，可是Jennifer仍略嫌自己未真正當過媽媽，似乎欠了一點甚麼，Jennifer說：「導演、朋友都話我仲係爭少少唔似媽咪，我諗需要時間，而家只能參考電影，做咗媽咪當然會好啲，不過最快都要等10個月。」
健談的Jennifer表示，日前乘車獲司機詢問她想達至哪位藝人成就，Jennifer答：「想做到林嘉欣、李心潔，佢哋係好好演員，亦做到自己想有嘅家庭，可以結婚生BB。我係幾傳統，我作為女人想有自己嘅家庭，可能自己做咗媽媽，演戲上亦有自己嘅體會。當然想家庭及工作並存，如果生咗小朋友，頭幾年會投放多啲時間陪小朋友，想睇小朋友成長，唔想錯過小朋友每段時間。」口講不太心急，但Jennifer希望30歲前生小朋友：「自己17歲時想20歲結婚，20歲想25歲，過咗25歲就想30歲，但又唔係太心急，事業上都幾忙，好多精神時間都花在工作上，做戲做過好多次媽媽同結婚，都可以算係經歷。」結婚要找理想對象，可是Jennifer指心目中的另一半還未出現，她說：「希望所有嘢都好夾，要夠成熟，遇到問題知道點解決，可以提供意見畀我，心地善良、整齊、愛屋企人。」Jennifer指自己未必可以閃婚，覺得沒有計劃的事情不切實際。
在疫情之下，演員在這一年亦不易過，Jennifer慶幸自己慳家兼有積蓄，慳妹Jennifer說：「除非8號風球或紅雨，如果唔係我都搭公共交通工具。原本計劃置業，想要一個屬於自己嘅地方同家人住，但太多不測事情，呢一年大家都很難捱，儲錢係積穀防饑，唔知道將來會如何，或要捱多久，現在早午餐都係1杯果汁當減肥。」
因為少了拍攝工作，Jennifer最近與吳嘉熙（Cheronna）一齊創作新歌《天地分裂》，在MV中飾演南轅北轍的兩姊妹，Jennifer說：「我哋會將自己嘅心事講出嚟，可以寫成歌，我同佢唔係好熟好熟，又唔係成日見面，但大家都會講自己的經歷出來，新歌內容就係講信任，同佢做戲好有火花，我哋冇質疑對方嘅想法，認為對就去做。」今年Jennifer原有的音樂會亦延期，音樂會延期Jennifer沒有覺得可惜，反而可以多點時間練習，儲多點新歌曲。
服裝：Initial fashion
場地：The ONE L16 The AIR
採訪：張明、攝影：陳俊強、攝錄：葉君海
-----------------------------
打國際線 《蘋果》英文版免費試睇按此了解更多
英文版已登錄新版《蘋果》App按此下載/更新
來源 source: http://hk.appledaily.com
|
鍾意就快D Share啦！
|
|
|