【頭條獨家】檢測呈陰性 鄧建明閉關唔敢亂咁去：條街好危險
麥德羅確診新冠肺炎，跟他密切接觸者都受到感染。而太極樂隊成員Joey Tang(鄧建明)曾於7月4日去過尖沙咀出席唱片業界一位前輩的大壽宴，當晚麥德羅都在場，當Joey得知麥德羅確診後，他第一時間去做病毒檢測，直至昨晚才有報告顯示呈陰性，Joey即報告喜訊，向本報表示多謝關心，不過，為人為己，短時間內會留在家中隔離，慶幸8月初才有工作做，視乎到時情況而決定工作，唔會亂嚟。
他認真道：「𠵱家唔敢周圍去，出街真係好危險，身在澳洲求學嘅囝囝非常擔心，呢件事上啟發到要珍惜身邊人，留喺屋企其實都有好多嘢做，我每日做兩次健身都用咗4小時啦，之後彈吓結他，好快又一日。」
喺疫情下出席生日會被指係爛玩，他有話說：「其實係我一位識咗好多年，我好尊重嘅唱片業界前輩60歲大壽，咁我咪去一去祝賀吓佢囉，去到先見有咁多人，原來開咗3圍，期間見麥德羅到場，不過佢係直入房間，而我哋就喺酒樓大堂位置，後來佢先喺房出返嚟，去咗另一圍枱同人敬酒打招呼，我就同另一圍枱嘅人傾偈，基本上我哋係冇接觸嘅。」
來源 source: http://hd.stheadline.com
|
鍾意就快D Share啦！
|
|
|