【新增回應】
日前因麥德羅不幸感染武漢肺炎，引發娛樂圈群組恐慌，由於同樣不幸中招的施匡翹曾到新城，新城各台前幕後亦接受病毒檢測。啤梨(葉文輝)今日在IG報平安，輕鬆表示檢測報告呈陰性，他接受《蘋果》電話訪問時說：「未有報告之前要同太太『分居』，佢瞓房我瞓廳，同埋長期戴口罩，而家終於可以『復合』啦。」雖然未有受感染，但啤梨不會掉以輕心，暫時不會與家人、朋友聚會。
提到今日如常開咪，他表示其實是在家工作：「因為今朝未收到報告，所以都係喺屋企做節目，下星期一就會如常返去。」啤梨表示自己平日做節目亦會全程戴口罩，而且消毒清潔亦做到足：「我會用酒精抹panel、換咪套。」對於有報道指，新城資訊台執行總監程凱欣曾要求各DJ於節目期間不能戴口罩，啤梨說：「我真心冇聽到，同埋我自己就一定會戴口罩。」他透露平日在電台會見到對方，因為她的節目後便是啤梨的節目：「大家見到會講早晨，但因為忙住開咪前準備，所以都唔算緊密接觸。」
他表示最近因為戴口罩影響喉嚨：「有啲質量差啲嘅口罩，我戴咗會喉嚨唔舒服，啲毛會飛入去，而家好似口罩測試員咁，戴一陣就知好唔好。」另外，由於武漢肺炎疫情持續，香港電台今日再發通告，暫停接待傳媒的安排，將延長至下月2日。
范振鋒明天會跟思敏一同返新城做直播節目《開心大派對》，不過70歲的薛家燕則減低風險，會選擇留在家中透過電話做訪問。阿范今日先在家中做錄音部份，問到他明天返新城做直播時會有甚麼準備，阿范今日接受《蘋果》訪問時說：「我會帶齊一切防疫物品，咪套同消毒噴霧、酒精搓手液，而家除咗戴口罩，我仲會戴手套、護眼膠膜，一切會小心。」
-----------------------------
打國際線 《蘋果》英文版免費試睇按此了解更多
英文版已登錄新版《蘋果》App按此下載/更新
來源 source: http://hk.appledaily.com
|
鍾意就快D Share啦！
|
|
|