2020年7月24日星期五

【已拆線】嘴唇康復進度比預期好趙慧珊：心情放鬆咗好多

Aka的康復進度理想，放下心頭大石。

女子組合Super Girls隊長趙慧珊（Aka)早前到到流浪狗場送暖時，意外被狗咬爆嘴唇需緊急入院縫9針，更有機會「破相」，事後她於社交平台上載受傷相片，嚇壞一班粉絲，而圈中不少藝人均送上祝福！經過一星期的休息，Aka的康復進度理想。醫生話，按進度下周可復工，不過公司先給她多休息。

驚留疤勤搽「去疤膏」

前日她返醫院「拆線」，她表示︰「傷口在拆線當日都仲有痛，不過我要感恩，因為醫生和護士都驚訝我嘅傷口癒合比想像中快，傷口只得返一啲癒合位，康復進度比預期好，心情比之前放鬆咗唔少，本身好擔心會留疤，𠵱家冇咁擔心，拆線兩日就開始搽『去疤膏』，亦會勤力搽多啲。」

提到受傷後在家「休養」，Aka表示頭兩不敢擦牙，改用漱口水，擔心傷口的線會爆，現在keep住用煲過的熟水擦牙。受傷後她要戒口及用飲管飲粥水，近日母親則把菜和瘦肉切碎為她炮製稀飯，笑言待傷口痊癒後，要「報復式食嘢」。

此外，Aka指醫生開了兩隻最強抗生素給她，減低發炎的機會，但因藥力很強，令她經常感頭暈和眼瞓︰「真係非常感恩，同感謝每一位關心嘅朋友，好感動。」她更不忘提醒大家要努力抗疫︰「近排疫情非常嚴重，我都每日留喺屋企，一齊努力抗疫！」