【港姐】被陳楨怡直指好惡 侯嘉欣低胸搶鏡：之前都冇露過
《2020香港小姐競選》候選佳麗侯嘉欣（Michelle）在直播活動以低胸吊帶裙上陣，相當「進擊」。提到衣著性感？她說：「衫是自己揀的，因為家中的裙都差不多著過晒，只剩這一條。（比較大方示人？）唔會，不過之前幾回合我都沒有露過，希望會可以幫我們安排返些衫我都希望可以再減肥，目標減多2kg。」
對於直播中被陳楨怡（Celina）點名好惡，Michelle笑說：「我又只聽過佢一個咁講，可能當時大家企得遠，有少少誤會，現在我們很friend的。」早前她在節目中自爆與男友陷分手邊緣，現是否已分手？她說：「冇，唔係，我哋仲試緊，依家係half-half，因為我都好唔捨得，或者大家有空間好啲。（即係被男友飛？）唔好咁講，當係畀大家空間，加上我比賽中，都有少少影響心情，男友則身在北京見不到面，或者選完再睇點算。」
Celina受訪被指講話好直，她笑言：「只是對Michelle的第一印象，其實她很nice，很搞笑，仲會買咖啡畀我。（怕講話得罪人？）唔係得罪，大家朋友先講笑。」直播中表現相對安靜，Celina表示：「因為要等大家講完先，加上食嘢會注重儀態。（侯嘉欣好性感，你密實怕輸蝕？）因為怕食嘢走光，加上大會dress code係端莊。（覺得性感不端莊？）都唔係，我自己揀露肩。（怕被比下去？）都係揀適合自己的衫，大家身材都非常好。」
來源 source: http://hd.stheadline.com
|
鍾意就快D Share啦！
|
|
|
