出身自09年《超級巨聲》的駱胤鳴，跟家姐駱胤樺組成「SiS樂印姊妹」，二人去年約滿無綫，在香港大學音樂系畢業的駱胤樺為「求生」，早已轉行教書。
至於將在年底結婚的準人妻妹妹駱胤鳴，早前已考獲寵物美容師執照，現時有多一份收入。
將興趣變做工作
離巢之後，駱胤鳴有不少機會，過去一年有推出新歌，亦在ViuTV主持節目。但疫情之下，娛圈差不多停擺，她有很多工作被煞停，也要想辦法維生。開始時，駱胤鳴沒想過當寵物美容師賺錢，只想學習來照顧愛貓。
「我本身養咗兩隻貓，剛接觸呢一行，成日以為貓唔使洗澡，後來先知道需要。之後諗住了解更多，所以就去學習，點知學習後先發現，自己對狗都好有愛心兼耐性，好想養，學習更多都係一件好事，因為仲可以對自己未來有幫助。我相信好多藝人都有副業，當接觸過後，發覺係自己鍾意嘅工作，而且更賺到錢，所以就當成bonus去做。相信好多人都同我一樣，要搵到一份自己喜歡嘅工作，其實並唔容易，好彩我可以搵得到！」她說。
慢慢跨過難關
雖然很喜歡小動物，但駱胤鳴上堂時也遇到不少困難。「最困難嘅地方，係我對自己有好多誤解，覺得自己無耐性同愛心，笨手笨腳。有一次可能因為自己動作太快，令狗仔覺得好驚，因為我哋做練習時，可能會從狗場運小狗過來，喺完全陌生情況下，我都好驚，抱佢喺手嘅時候，老師提醒，小狗會知道我心跳，會聽得到，咁我自己好驚，隻狗仔都唔會放心將自己交畀我，所以要學識點樣調整自己心情同心跳，而且要同狗仔培養感情同關係，之後先為佢服務，慢慢跨過呢個難關。」見她手勢純熟，明顯下過苦功。
急需找正職
由於疫情肆虐，她今年的演藝工作差不多全部取消，計劃年底結婚的她，本來會推出一系列結婚歌，但全盤計劃已被打亂。她從來沒想過放棄當歌手，但始終需要生活，直認現時最需要的是找一份正職。「仍然有網上直播做，所以並唔係完全無工作，但因為依家仲未搵到一份正職，所以都係留喺屋企工作，照顧自己寵物，幫朋友嘅小狗洗澡。」總算有點收入。
說到年底的婚禮，駱胤鳴表示自己很大壓力。
「我已經不斷跟進，好多朋友知道我好擔心，都好我支持，酒樓負責人亦表示冇問題，會有八人同十二人餐單，不過對方話政府政策，如果六點後唔可以擺酒，就要考慮改在下午進行，有好多選擇。」
----------------------------
無懼白色恐怖 黎智英劉細良開講抗港版国安法
立即收看ChannelNEXT《人民學堂》
----------------------------
全新「和你撐計劃」 專享獨家禮遇 實際行動支持按此了解更多
壹呼百應 號召有心人 請香港人睇壹週刊按此了解更多
-----------------------------
【昔日紙本檔案庫】
30年壹仔經典 壹壹重現！
來源 source: http://nextplus.nextmedia.com
|
鍾意就快D Share啦！
|
|
|
