2020年8月2日星期日

【不敵疫情】虧損數十萬無錢再蝕陳恩碩音樂劇宣佈取消

陳恩碩（左圖中）謂之前開到27場已經好感恩，並獲眾多圈中好友到場支持。

音樂劇《我們的青春日誌2020》由6月起在小劇場上演了27場，惟因新冠肺炎疫情再次爆發，上月已取消了7場演出，但疫情愈見嚴峻，製作人及導演陳恩碩（Tom）於今日凌晨2時在社交平台貼文，宣佈該劇接下來的場次全部取消 !

Tom留言：「已經冇extra錢再繼續燒，好難無了期咁等，音樂劇《我們的青春日誌2020》跟住落嚟嘅場數會全數取消，想同準備遲啲嚟睇嘅朋友講聲唔好意思。其實仍然可以開到27場已經好感恩，喺呢一刻只係希望疫情盡快過去，大家身體健健康康。我哋一定會再返嚟！」

對於音樂劇已多番順延及取消演出帶來的虧損，Tom透露小劇場演出以大劇場規模製作，取消演出後虧損達數十萬，所以短期內都不會再投資任何劇目。另一方面，Tom透露正籌備該劇原聲大碟，若得到粉絲支持，更會推出網上音樂會。