2020年11月6日星期五

【痛失老伴】親友陪伴匿埋屋企冷靜身邊人指肥媽情緒還得撐得住 #肥媽

【痛失老伴】親友陪伴匿埋屋企冷靜身邊人指肥媽情緒還得撐得住

肥媽身邊人Anges Tam今日凌晨喺肥媽Easy Cook Facebook群組出post代為回應，透露肥媽還撐得住，大家可以放心。

「肥媽」Maria Cordero第二任老公Rick喺11月5日凌晨不敵癌魔病逝，肥媽傷痛地在社交平台公佈失去摰愛消息，遙盼與Rick「在天堂再會」。向來疼錫家人的肥媽，對老公突然「行先」接受不來，因為當天早上一家人還開心地吃早餐，昨日肥媽留在家中冷靜，亡夫的身後事交由家人處理，幸而有朋友及家人陪伴，雖然難過，但也總算好過一點，對於朋友留言問候，也有用心心表情符號來回應，情緒還能撐得住。

連日來不少肥媽朋友、網民、粉絲在社交網留言關心肥媽狀況，叮嚀她節哀、釋懷，保重身體...眼見一眾朋友擔心，肥媽身邊人Anges Tam今日凌晨喺肥媽Easy Cook Facebook群組出post代為回應，寫道：「大家好有心，知道大家都擔心阿媽，阿媽都ok的，當然心情仍然未完全平復。我地都會多啲陪佢，身邊都有好多朋友同家人陪住阿媽，大家放心。」

喺疫懼情下，近半年肥媽每周六晚九時會有煮餸直播，預早定咗煮食主題，當晚便和網民一齊煮餸互動，兼唱吓歌仔娛人娛己，而老公也是直播鐵粉，就算老公不適入院，也鼓勵肥媽「請假」回家一陣和網民相聚，老公就瞓喺病牀繼續做fans支持，但喺目前非常時間期，睇嚟肥媽暫時停工，今周應該會取消做直播。