2020年11月6日星期五

【巧驚喜】獲發光兔女郎大媽唱歌仔祝壽梁漢文「入五」前爆開心 #梁漢文

【巧驚喜】獲發光兔女郎大媽唱歌仔祝壽梁漢文「入五」前爆開心

梁漢文獲大媽喺咁唱歌祝壽，反而面露尷尬，笑成咁...囉！

昨日(11月5日)係梁漢文（Edmond）「入五」前最後一個生日，身在內地工作的Edmond完成14日酒店隔離生活後，可趕及出關慶生。昨晚他上載了一條搞笑慶生短片，片中不用開工，坐在食店貴賓房正等候開飯的梁漢文全神貫注地打手機期間，房門打開，友人捧來一個生日蛋糕，Edmond禮貌地回應：「多謝！多謝！」最爆係房門口企住幾位大媽，帶住發光兔女郎耳仔飾物，舉起食店發光招牌，拍晒手，笑晒口，跟足咇，好投入咁為他大唱happy birthday to you, happy birthday to you…」唱完一次後，還加送多次快拍版！最後更用國語跟壽星仔說：「生日快樂！萬事如意！心想事成！」咁賓至如歸享受，反而嚇咗Edmond一跳，不停喺度傻笑。

他面露尷尬笑容說：「嘩！好勁喎，多謝多謝！喂...呢度食飯好正喎，你睇有埋fans，仲買埋廣告！」Edmond最後還以掌聲鼓勵，仲用半鹹半淡國語讚賞說：「你們都『妏飄靚』(好漂亮)呀！」相當搞笑。梁漢文留言：「今年生日在內地工作中渡過，晚上與朋友一起食飯，沒想到有意外驚喜，竟然有…#水煮魚美女唱生日歌」